Connect with us
Loading...

General News

Askofu aliyetengana na Pasta Ng’ang’a baada ya kukaripiwa hadharani afungua kanisa lake ▷ Kenya News

Published

on


Askofu Robert Wafula ambaye alikuwa akihudumu katika kanisa la Neno Evangelism tawi la Mombasa amefungua kanisa lake wiki chache tu baada ya kuondoka katika kanisa lake James Maina Ng’ang’a katika njia ya kutatanisha.

TUKO.co.ke imebaini kwamba Wafula alizindua kanisa lake, Shalom Miracle Church mjini Mombasa.

Habari Nyingine: Wakili Assa Nyakundi aliyekashifiwa kwa kumuuwa mwanawe akamatwa tena

Kwenye ujumbe wake Facebook, mchungaji huyo alipakia logo ya kanisa hilo pasi na kuchapisha ujumbe wowote.

Habari Nyingine: Bloga Robert Alai kuzuiliwa kwa siku 14 zaidi

Hata hivyo ujumbe aliouchapisha baadaye ulifichua hatua aliyonuia kuchukua baada ya kuwakaribisha wafuasi wake katika ukumbi mjini Mombasa kwa ibada za maombi.

“Ningependa kuwakaribisha katika ibada ya maombi Jumanne hii katika ukumbi wa Mombasa Women Hall kuanzia saa kumi na moja unusu jioni. Hatutafanya ibada mahala hapo kwa heshima yake mchungaji wetu James Maina, kwani hapo ni mahali pa wafuasi wake kuabudu. Mungu awabariki na karibuni Mombasa,” alisema.

Ujumbe wake uliwavutia waumini wake na Wakenya wengine ambao walimtakia kila la heri wakati akianza wito wake mpya.

Wafula amefungua kanisa lake majuma machache baada ya kulitema hadharani kanisa la pasta Ng’ang’a la Neno Evangelism baada ya kushambuliwa kwa matusi.

Ripoti za awali za TUKO.co.ke zilisema kwamba, mchungaji huyo alijiuzulu muda mfupi baada ya video ambayo Ng’ang’a alionekana akiwaonya maaskofu dhidi ya kumkosea heshima mkewe kusambaa kwa kasi mitandaoni.

Ng’ang’a aidha alitishia kuyafunga makanisa yote ambayo yalikuwa chini ya maaskofu wa kanisa lake.

Matamshi yake yaliwakera wengi akiwemo Wafula ambaye alifichua kuchukizwa mno na mchungaji huyo ambaye alimjua kwa zaidi ya miaka 20.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko.co.ke





Source link

Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com