Connect with us
Loading...

General News

DJ maarufu wa reggae Kriss Darlin aoneshwa mlango baada ya kuingia siasa ▷ Kenya News

Published

on


DJ maarufu wa reggae Kriss Darlin amefutwa kazi kutoka NTV baada ya kutangaza azma yake ya kuwania kiti cha ubunge cha Kibra.

Darlin anapania kuwania kiti hicho kupitia tikiti ya chama cha oDM kwenye uchanguzi ambao unatarajiwa kufanyika Novemba 7.

Habari Nyingine: Mpenzi wake Willy Paul asimulia alivyomtishia maisha

Mnamo Alhamisi, Septemba 7, Nairobi News iliripoti kuwa Darlin ambaye alikuwa mtangazaji wa kipindi maarufu cha Jam Rock aliachishwa kazi ili kumpa nafasi ya kujishughulisha na siasa.

“Kris ameamua kuingia katika siasa na kufuatia utaratibu wetu wa kazi, hatukuwa na lingine ila kumwachisha kazi kama mtangazaji wa kipindi cha reggae cha Jam Rock. Uamuzi huu uliafikiwa baada ya pande zote mbili kukubaliana.

Habari Nyingine: DPP aagiza Spika wa Kisumu kukamatwa mara moja

“Tunamtakia kila la heri katika maisha yake. Hata hivyo, atapata nafasi ya kuwapa kwaheri mashabiki zake katika vipindi viwili vya mwisho ambavyo atavifanya,” Justus Tharao mkuu wa kitengo cha programu alisema.

Hata hivyo licha ya kandarasi ya Darlin kufutiliwa mbali, mkataba baina ya kituo hicho na lebo yake ya Dohty Family utaendelea.

Wadhifa wa kumridhi marehemu Ken Okoth umewavutia wengi huku Jubilee ikimtangaza nyota wa soka McDonald Mariga kama mgombea atakayeipeperusha bendera ya chama hicho kwenye uchaguzi huo.

Mengi yalisemwa baada ya barua iliyomuorodhesha Mariga kama mgombea wa Jubilee kupenyeza mitandaoni.

Habari Nyingine: Mwanamuziki Nicki Minaj atangaza kustaafu muziki, atazamia kuwa na watoto

Katibu Mkuu wa chama hicho, Raphael Tuju, aliikana barua hiyo na kusema madai hayo sio ya kweli kabla ya kutangaza siku chache baadaye kuwa Mariga amechaguliwa kuwakilisha Jubilee katika uchaguzi huo.

Kriss Darlin kwa upande wake, aliwasha mitandao baada ya kumpigia magoti kinara wa ODM Raila Odinga akimsihi amuunge mkono.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.





Source link

Advertisement
Loading...
Comments
Loading...

Facebook

Loading...

Trending

Social Media Auto Publish Powered By : XYZScripts.com