Connect with us
Loading...

General News

Joshua Sang arejelea uanahabari, miaka tisa baada ya kesi ya ICC

Published

on

Loading...


Mtangazaji wa zamani wa KASS FM Joshua Arap Sang, ametangaza kurejelea katika kazi yake ya kutangaza redioni miaka tisa baada ya kushtakiwa na hatimaye kuondolewa kesi na Mahakama ya Kimataifa kuhusu Uhalifu (ICC) kuhusiana na ghasia za baada ya uchaguzi mkuu wa 2007.

Sang ambaye wakati huo alikuwa akiendesha kipindi cha ‘Kass Fm breakfast’ kabla ya kujiuzulu kukabiliana na kesi yake ICC, sasa amejiunga na Emoo Fm inayomilikiwa na kampuni ya Mediamax.

Habari Nyingine: Kimosop akataa kuondoka, asema sheria haikufuatwa kabla ya kumng’atua KVDA

Joshua Sang aliyekuwa mwanahabari wa Kass Fm kabla ya kujiuzulu kufuatia kesi iliyokuwa ikimwandama ICC. Picha: Joshua Sang/Facebook
Source: Facebook

Mwanahabari huyo alianza kazi Jumanne, Juni 1, huku akijitayarisha rasmi kuanza kusikika hewani katika wiki mbili zijazo,

Emoo Fm inayopeperusha matangazo yake katika lugha ya Kalenjin, ilianzishwa mwaka wa 2017 baada ya Naibu Rais William Ruto kununua hisa nyingi katika kampuni ya Mediamax inayomolikiwa na familia ya Kenyatta.

Habari Nyingine: Makachero wamtia nguvuni mwalimu mkuu aliyeongoza shambulizi dhidi ya wanahabari

Inakumbukwa kuwa mwanahabari huyo kupita ukurasa wake wa Facebook, Ijumaa Novemba 6, alikuwa akiomba kukutana na Rais Uhuru Kenyatta.

“Rais wangu nimejaribu njia zote kukutana nawe lakini yote kuambulia patupu. Niruhusu kutumia ukurasa huu kuomba kuwa na mkutano nawe.” Sang aliandika kupitia Facebook.

Sang, mwenye umri wa miaka 44, alilaumiwa kwa kutumia kipindi chake cha asubuhi kutoa matamshi ya uchochezi na ya kikabila ambayo yalichangia machafuko ya baada ya uchaguzi wa mwaka 2007.

Machafuko hayo yalipelekea mahakama ya ICC jijini The Hegue, Uholanzi kumkabili na kumfungulia mashtaka na wenzake watano akiwamo Uhuru, Ruto, Henry Kosgei, Francis Muthaura na Hussein Ali.

Loading...

Hata hivyo, mashtaka hayo yalifutiliwa mbali mwaka wa 2016 kwa kukosekana ushahidi wa kutosha baada ya mashahidi wengi kujiondoa.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko





Source link

Loading...
Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com