Connect with us
Loading...

General News

Magazeti ya Kenya, Jumatatu 21: Polisi wanamsaka jamaa aliyezalisha mama ‘chokoraa’ watoto 7 ▷ Kenya News

Published

on


Magazeti ya Jumatatu, Oktoba 21, yameangazia taarifa za sherehe ya sikukuu ya Mashujaa iliyoadhimishwa mnamo Jumapili, Oktoba 20, ambapo mwanariadha nyota Eliud Kipchoge alituzwa na Rais Uhuru Kenyatta.

Magazeti haya pia yanaripoti kuhusu wito wa kuunga mkono Jopo kazi ya maridhiano(BBI) ya Raila Odinga ambayo inapania kuwasilisha ripoti yake kwa rais Uhuru kabla ya kukamilika kwa mwezi Oktoba mwaka huu.

Habari Nyingine: Maafisa wa DCI wafumania walinzi wawili wakiiba pesa kwa ATM

Magazeti ya Kenya, Jumatatu 21.
Source: UGC

Habari Nyingine: Eliud Kipchoge apungukiwa na maneno Wakenya wakijitokeza kwa wingi kumpongeza

1. Taifa Leo

Katika gazeti hili maafisa wa usalama Kaunti ya Nyeri wanamsaka jamaa anayeaminika kuzaa watoto saba pamoja na mwanamke wa mtaani.

Msako huo uliamurishwa na mahakama moja ya Nyeri ambako mwanamke huyo alifikishwa kwa kukimbia majukumu yake ya uzazi.

Mshtakiwa aliambia mahakama kuwa hana habari kuhusu baba ya watoto wake kwa kuongezea kuwa hana mahali pa kuishi.

Wapelelezi wanadai kuwa mwanamke huyo pia huwapea wanawe pombe.

Pia inaaminika mwanamume huyo aliyemzalisha watoto hao alikuwa akikutana naye kila mara kwani watoto hao wanakaribia kuwa umri sawa.

Magazeti ya Kenya, Jumatatu 21: Polisi wanamsaka jamaa aliyezaa watoto 7 na mama wa mtaani

Gazeti la Taifa leo Jumatatu 21. Picha: Nation
Source: UGC

2. The Star

Katika gazeti hili mwanamke anayedai alikuwa mpenzi wa kisiri wa Fidel Odinga (mwanawe Raila Odinga) ameomba kuhusishwa katika kesi ya mzozo ya mali kati ya Ida Odinga (mkewe Raila) na mjane wa Fidel, Lwam Bekele.

Phoebe Akinya anadai ndiye mama ya pacha wawili ambao wanakisiwa kuwa wanawe Fidel na kuzaliwa miezi sita baada ya kifo chake.

Ida alifika mahakamani kumkashifu Bekele aliwaacha nje ya urithi pacha hao kama warithi wa mali ya baba yao.

“Ninataka kuhusishwa kwa niaba ya wanangu kama mlalamishi na pia kubainisha mambo hadharani,” Akinyi ambaye anahudu katika ofisi za ubadilishanaji wa pesa za kigeni Adams Arcade aliambia mahakama kupitia wakili wake.

Ofisi anapohudumu Akinyi inasemakana ilikuwa ikipendelewa sana na Fidel kubadilisha pesa zake na pia kutumia huduma zao za M-Pesa.

Magazeti ya Kenya, Jumatatu 21: Polisi wanamsaka jamaa aliyezalisha mama 'chokoraa' watoto 7

Gazeti la The Star Jumatatu 21. Picha: Star
Source: UGC

3. The Standard

Kwenye gazeti hili miezi saba baada ya wakili Assa Nyakundi kutuhumiwa kwa kumpiga risasi mwanawe wa kiume, mwanasheria huyo hajajibu mashtaka dhidi yake.

Kesi yake imekuwa ikikumbana na vizingiti, kwa mfano upande wa mashtaka haukuridhishwa wiki jana baada ya hakimu mmoja kukataa kusikiza kesi hiyo kwa kudai jamaa yake alikuwa anahitaji matibabu ya dharura.

Jaji Lessit ambaye alisikiza kesi hiyo siku ya Jumatano, Oktoba 16, alisema alipandishwa ngazi katika Mahakama ya Upeo kwa hivyo hawezi kutatua masuala mapya.

Aliagiza kesi hiyo kuwasilishwa kwa Jaji Daniel Ogembo.

Mawakili wa mshukiwa wamekuwa wakipinga uamuzi wa Mkurugenzi Mkuu wa Mashtaka ya Umma kumshtaki Nyakundi upya kwa mauaji.

Magazeti ya Kenya, Jumatatu 21: Polisi wanamsaka jamaa aliyezalisha mama 'chokoraa' watoto 7

Gazeti la The Starndard Jumatatu 21. Picha: Standard
Source: UGC

4. Daily Nation

Huku Kanisa Katoliki likionekana kukoma kushinikiza serikali kufutilia mbali chanjo ya saratani ya uzazi, kanisa hilo limeonya serikali dhidi ya madhara ya zoezi hilo.

Tume ya Afya ya Kanisa Katoliki ikiongozwa na Askofu Mkuu Martin Kivuva alisema uchunguzi zaidi watakiwa kufanywa ili kuwalinda wasichana 800,000 chini ya miaka 10 kutokana na madhara hayo.

Hata hivyo, madaktari wanashikilia kuwa taifa hili litanufaika kupitia kwa zoezi hilo.

“Wanatakiwa kufanyia chanjo hiyo uchunguzi zaid kuhakikisha kuwa ni salama. Tuna wataalam ambayo walifanyia chanjo hiyo uchunguzi wa kisayansi na kuhakikisha ni salama. Hata chanjo ya BCG ina madhara ilhali bado tunawapea watoto wetu. Cha muhimu ni kuzingatia faida yake na madhara yake,” alisema Jacinta Mutegi afisa wa tume ya Afya ya Kanisa Katoliki.

Magazeti ya Kenya, Jumatatu 21: Polisi wanamsaka jamaa aliyezalisha mama 'chokoraa' watoto 7

Gazeti la Daily Nation,Jumatatu 21. Picha: Nation
Source: UGC

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos





Source link

Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com