Connect with us
Loading...

General News

Matokeo ya upasuaji wa miili ya Mariam na mwanawe kutolewa na taarifa zingine ▷ Kenya News

Published

on


Kila siku ya wiki, TUKO.co.ke inakupakulia kwa mukhtasari matukio na habari muhimu zilizogonga vichwa vya habari wiki hii ili ukapate kufahamu kwa upana na utendeti mambo yalivyo ulimwenguni.

1. Aisha Jumwa alegeza kiuno baada ya polisi kumkamata kufuatia vurugu la kisiasa Ganda

Mbunge wa Malindi Aisha Jumwa alikamatwa siku ya Jumanne, Oktoba 15, nyumbani kwake kufuatia purukushani iliyoibuka nyumbani kwa mgombea wa Chama cha ODM kwa uchaguzi mdogo wa wadi ya Ganda ambapo mtu mmoja aliuwawa kwa risasi.

2. Hatimaye matokeo ya upasuaji wa miili ya Mariam Kighenda na bintiye yatolewa

Miili ya Mariam Kighenda na bintiye Amanda Mutheu ilifanyiwa upasuaji mnamo Jumatano, Oktoba 16 siku nne baada ya kuopolewa kutoka Bahari Hindi walikotumbukia katika kivuko cha Likoni wakiwa ndani ya gari lao.

Mpasuaji mkuu wa serikali Johansen Oduor, ambaye aliongoza shughuli hiyo, alisema iliendeshwa kwa muda wa saa moja na nusu na kubainika kuwa wawili hao walifariki baada ya kushindwa kupumua.

3. Ghasia za Ganda: Aisha Jumwa aachiliwa huru baada ya kulala korokoroni akila sembe

Mbunge wa Malindi, Aisha Jumwa aliachiliwa huru kwa dhamana ya KSh 500,000 pesa taslimu kufuatia ghasia zilizotokea eneo la Ganda, Kaunti ya Kilifi na kusababisha kifo cha mtu mmoja anayedaiwa kuwa mjomba wake mwaniaji uchaguzi mdogo wa ODM eneo hilo, Reuben Mwamure Katana, Gumbao Jola.

4. Bw Harusi mtarajiwa aliyekuwa ameyeyuka kimujiza huko Taita Taveta apatikana hai

James Mwamburi, 32, bwana harusi mtarajiwa kutoka kijiji cha Landi, eneo bunge la Mwatate, kaunti ya Taita Taveta, aliyetoweka miezi miwili kabla ya harusi yake kufanyika mwezi Disemba mwaka huu, alipatikana akiwa hai katika eneo bunge la Voi.

5. Eliud Kipchoge atua nchini baada ya kuweka historia Vienna

Bingwa wa Marathon Eliud Kipchoge alirejea nchini hii leo baada ya kutamba huko Vienna, Austria kwenye mbio pevu ya Ineos 1:59.

Kipchoge aliangaziwa na ulimwengu mzima wakati wa zoezi hilo ambapo aliweka historia kwa kuwa binadamu wa kwanza kukimbia mbio za kilomita 42 ya saa mbili.

6. Rais Uhuru amuonya Sonko hadharani

Rais Uhuru Kenyatta Jumatano, Oktoba 16, aliwaonya viongozi dhidi ya kurindima siasa mbele yake na kusema kuwa atawazimia kipaza sauti iwapo watakaidi amri yake.

Rais alikuwa katika akizindua barabara ya James Gichuru – JKIA wakati ambapo aliwapa viongozi nafasi ya kuwahutubia wananchi lakini akaonya kuwa hatakubali siasa.

7. Machakos: Mwili wa kuhani aliyeondoka juma moja lililopita wapatikana kaburini Embu

Mwili wa kuhani wa kanisa Katoliki kaunti ya Machakos aliyeripotiwa kutoweka juma moja lililopita ulipatikana kwenye kaburi lililokuwa limechimbwa juu juu kaunti ya Embu.

Kuhani Michael Maingi Kyengo alitekwa nyara Oktoba 2019 alipokuwa safarini kuelekea parokia ya Thatha eneo la Masinga.

8. Wandani wa Naibu Rais wamjibu Atwoli baada ya kumponda DP Ruto

Katibu Mkuu wa Muungano wa kitaifa wa vyama vya wafanyakazi Kenya (COTU), Francis Atwoli, alijipata taabani kwa matamshi yake ya kila mara ya kumshambulia Naibu Rais William Ruto.

Wanasiasa kutoka eneo la Magharibi mwa Kenya ambao wanamuegemea Ruto walimsuta vikali Atwoli kufuatia matamshi yake ya wikendi kwa kumtaja kama “nguvu ya zamani’.

9. Miguna anyoroshwa mitandaoni kwa kumdunisha Kipchoge kwa kuandikisha historia

Miguna alionekana kutoa matamshi ya kumdunisha Kipchoge na kusema Wakenya wanapaswa kuwashabikia wasomi na wala sio wanariadha.

Kundi la Wakenya wanaotambulika kama Kenyans on Twitter (KOT) lilimuamkia na kuanza kumuadhibu vilivyo kwa maneno.

10. Wakazi wa Mai Mahiu wahatarisha maisha yao kwa kuchota mafuta baada ya lori kuanguka

Kundi la wakaazi wa Mai Mahiu Alhamisi Oktoba 17 walihatarisha maisha yao baada ya kukimbia kwenye eneo la ajali kufukuta mafuta yaliyokuwa yakitiririka.

Hayo yalitokea baada ya lori moja la mafuta kuanguka na trafiki katika barabara ya Mai Mahiu.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos





Source link

Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com