Connect with us
Loading...

General News

Mbunge wa Jubilee amuonya Kamanda dhidi ya kupigia debe ODM Kibra ▷ Kenya News

Published

on


– Mbunge wa Siria anataka Kamanda atimuliwe chamani

– Kamanda anashiriki siasa za ODM usiku na mchana ilhali kuna mgombea wa Jubilee

– Siasa za Kibra zimefanya wanasiasa ndani ya Jubilee na ODM kuchanganyikiwa

Siasa za uchaguzi mdogo wa Kibra zinazidi kukoroga vyama vya ODM na Jubilee baada ya wanasiasa wake kuchukua misimamo tofauti kwenye safari ya kumpata mbunge wa eneo hilo.

Tayari wabunge ndani ya Jubilee wamekerwa na hatua ya mbunge mteule wa chama hicho Maina Kamanda kuamua kumpigia debe mgombea wa ODM Imran Okoth ilhali kuna mgombea wa Jubilee.

Habari Nyingine: Waziri Matiang’i atofautiana na seneta Cheruiyot vikali kwenye mazishi

Mbunge wa Siria John Waluke amesema Maina Kamanda ni lazima atimuliwe chamani kwa kukaidi Rais Uhuru Kenyatta, Picha: Nation
Source: Facebook

Mbunge wa Siria John Waluke alisema kama lazima atimuliwe chamani kwani amemkaidi kiongozi wa chama Rais Uhuru Kenyatta ambaye alisema chama kinamuunga mkono Mc’Donald Mariga.

Mwanasiasa huyo alisema Kamanda hawezi kukaidi chama ambacho kilimteua kwenye bunge na kufanyia kampeni mpinzani wao.

“Kamanda ni mbunge wa kuteuliwa. Ni lazima aheshimu serikali ambayo ilimteua na rais akisema twende hivi, ni lazima atii,” Waluke alisema.

Habari Nyingine: Shule yamulikwa baada ya kudai wanafunzi wanaabudu majini

Mbunge wa Jubilee amuonya Kamanda dhidi ya kupigia debe ODM Kibra

Mbunge wa kuteuliwa Maina Kamanda alitangaza atapigia chama cha ODM debe kwenye uchaguzi wa Kibra.
Source: UGC

Kamanda aliungana na kinara wa ODM Raila Odinga na kufanya kikao na wanahabari ambapo alitangaza kuwa ataunga mkono Imran Okoth wa ODM kwenye uchaguzi huo mdogo.

“Huu ni msimamo wa kibinafsi na sijakuja kumuwakilisha mtu yeyote,” Kamanda alisema.

Hata hivyo, Waluke alisema Kamanda hawezi kumkaidi Rais Kenyatta na asalie kwenye chama cha Jubilee.

Habari Nyingine: Huwezi kuwatenganisha Rais Uhuru na DP Ruto, Kabogo asema

“Rais hawezi sema tumuunge mkono Mariga naye Kamanda aende kumuunga mtu mwingine mkono, hiyo ni kupinga rais,” aliongeza Waluke.

Ndani ya ODM, mbunge wa Malindi naye Aisha Jumwa aliyechaguliwa kwa tiketi ya ODM alisema Kibra ni Mariga tosha.

Aliwataka viongozi kina mama kuhakikisha wanampigia debe Mariga ili ambwage mgombea wa ODM.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.

Subscribe to watch new videos





Source link

Advertisement
Loading...
Comments
Loading...

Facebook

Loading...

Trending

Social Media Auto Publish Powered By : XYZScripts.com