Mike Sonko amtaka Gavana Waiguru ajifungue katika hospitali ya Pumwani ▷ Kenya News

Gavana Mike Sonko Jumapili, Julai 14, aliwasha moto kwenye mtandao wake wa Instagram baada ya kudai kuwa Gavana wa Kirinyaga Anne Waiguru ni mjamzito.

Waiguru alifunga pingu za maisha na mpenzi wake wakili Kamotho Waiganjo Jumamosi Julai 13 na siku moja tu baada ya sherehe hiyo ya iliyonoga huko Kirinyaga, Sonko alidai wawili hao wanatarajia kujifungua hivi karibuni.

Habari Nyingine: DP Ruto achemka baada ya taarifa Tuju anapangia Raila mikakati ya 2022

“Kabla hata ya fungate ianze, nachukua nafasi hii kwa niaba ya familia yangu na wakazi wa Nairobi kwa mwenzangu kutoka Kirinyaga Anne Waigruu kwa kuoana na Wakili Waiganjo,” Sonko alisema.

“Na ninakutakia hali salama wakati wa kujifungua mtoto wenu aliye njiani,” aliongeza Sonko.

Habari Nyingine: William Kabogo awaonya wanasiasa dhidi ya kuzungumzia mauaji ya Kiambaa

Wengi walishangaa iwapo ni kweli Gavana Waiguru ni mjamzito ama ni sarakasi tu za Gavana Sonko.

Hili lilichanganya zaidi baada ya mwanasiasa huyo ambaye amejipa umaarufu kutokana na mitindo yake ya mavazi na sarakasi mitandaoni aliposema hata mke wake atajifungua kwenye hospitali hiyo ya akiina mama ya Pumwani.

“Unakaribishwa kujifungua katika hospitali ya akina mama ya Pumwani … hata mke wangu anatarajiwa kujifungua katika hospitali hiyo katika miezi michache ijayo,” Sonko aliongeza.

Gavana Sonko ni mmoja wa magavana ambao hawakuhudhuria harusi ya Waiguru licha ya viongozi wakuu serikalini akiwemo Rais Uhuru Kenyatta, na viongozi wa upinzani Raila Odinga na Kalonzo Musyoka kufika kwenye sherehe hiyo.

Loading...

Naibu Rais William Ruto vile vile hakuhudhuria dhifa hizo.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news

Source: Tuko