Mkewe Waziri wa Fedha Ukur Yatani apewa nafasi mbili za kazi na serikali ▷ Kenya News

– Mawaziri wawili wamempa mke wa mwenzao kazi mbili kwenye serikali

– Wananchi wa kawaida huwa ni vigumu sana kujishikia nafasi kwenye serikali

– Nafasi za mke huyo mwenye bahati ziinuka baada ya serikali kuchapisha tangazo lake rasmi Ijumaaa, Novemba 15

Serikali imempa mkewe kaimu waziri wa Fedha Ukur Yatani nafasi mbili za kazi kupitia tangazo rasmi la serikali lililochapishwa Ijumaa, Novemba 15.

Kulingana na gazeti la Star, jina la Gumato Ukur Yatani liko kwenye orodha ya waliofaidika kupata kazi za serikali na liko kwenye orodha mbili.

Habari Nyingine: Wasiwasi baada ya Rais Kenyatta kuita wabunge wake kwenye mkutano Nyeri

Upekuzi umeonyesha Gumato aliteuliwa na waziri wa Elimu George Magoha kuwa mwenyekiti wa kamati ya Chuo Kikuu cha Jomo Kenyatta kwa kipindi cha miaka mitatu.

Uteuzi huo ulianza Ijumaa, Novemba 8.

Vile vile, aliteuliwa na Waziri wa Biashara Peter Munya kuhudumu kama mwanachama wa jopo la kuhakikisha ubora wa bidhaa na miundo msingi humu nchini.

Habari Nyingine: Wakenya wachemka baada ya Waziri Mucheru kumpa kazi jamaa aliyefariki

Waziri Joe Mucheru mwezi Novemba alimteua Konchalle kwenye bodi ya kudhibiti filamu humu nchini. Picha: UGC
Source: UGC

Hayo yanajiri wakati ambapo ni vigumu sana kwa wananchi wa kawaid kupata kazi kwenye serikali.

Mwezi jana, Wakenya walibaki kinywa wazi baada ya Waziri wa Teknolojia Joe Mucheru kumteua jamaa aliyekuwa amefariki kwenye wadhifa serikalini.

Mucheru alimteua Robert Kochalle, ambaye alifariki mnamo Mei 28, 2018, ili ahudumu kwenye bodi ya kudhibiti filamu humu nchini.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.