Connect with us
Loading...

General News

Moto wa Malik: Mmiliki asema amemsamehe jamaa aliyeteketeza jumba hilo ▷ Kenya News

Published

on


-Familia ilisema haikuelewa ni kwa nini mmoja wa wafanyikazi wake aliamua kuteketeza biashara yao

-Hata hivyo, walisema kwamba wamemsamehe na wanashirikiana kuijenga upya biashara yao

-Familia hiyo ya asili ya Kipalestino ilisikitika kwamba jengo hilo na magari yaliyoteketea hayakuwa na bima

-Kulingana na maafisa wa polisi, mshukiwa aliyerekodiwa na picha za CCTV alikiri wakati wa mkasa alikuwa katika jengo hilo

-Picha hizo zilimuonesha mshukiwa akiwa amebeba kibuyu ambacho inakisiwa kilikuwa na mafuta ya petroli ambayo aliyamimina na kuwasha moto kabla ya kutoweka

-Jamaa huyo angali anasakwa huku maafisa wa polisi tayari wakiwa wamezuru makaazi yake ya Eastleigh na Kileleshwa

Mmiliki wa jengo la Malik Heights mnamo Alhamisi, Juni 6, alitangaza kwamba yeye pamoja na familia yake wamemsamehe jamaa aliyeteketeza moto jengo hilo.

Alifichua kwamba, familia yake imekubali matokeo na hasara waliyoikadiria na kwamba wapo tayari kumsamehe mshukiwa Yusuf Adow, huku wakijitayarisha kuijenga biashara hiyo upya.

Habari Nyingine: Maafisa wa polisi wamtambua mshukiwa mkuu wa mkasa mkubwa wa moto wa Malik Heights

Moto huo uliotokea Jumatatu usiku uliteketeza magari 65 ya kifahari yenye thamani ya takriban KSh 600 milioni.
Source: UGC
Source: Twitter

Akizungumza katika kituo cha K24, kakake mmiliki, Shahid Siddique, alifichua kwamba sheria ni sharti pia ichukue mkondo wake.

“Ukweli ni kwamba hatuna la kufanya. Tumeamua kuifungua biashara hiyo upya na kumsamehe (Yusuf Adow) na kumwacha mikononi mwa sheria,” Shahid alisema.

“Jumba hilo na magari yote hayo hayakuwa na bima. Familia imejitahidi sana katika kukuza biashara hii. Imetugarimu takriban miaka 22-25 kuimarisha biashara hii,” Shahid aliongeza.

Kulingana naye, kampuni hiyo haijapata ufahamu ni kwa nini mmoja wa wafanyikazi wake ambaye alihudumu kama wakala kwa miaka zaidi ya minne, alitekeleza kisa kama hicho.

Familia hiyo aidha, ilipinga madai kwamba mshukiwa aliteketeza jumba hilo baada ya kukorofishana kibiashara na wakala huyo.

“Hatukuwa na deni lolote naye. Kazi yake ilikuwa ni kuwaleta wateja na kisha analipwa kulingana na mauzo yake,”

Wakati wa mkasa huo, magari 65 ya kifahari yenye thamani ya takriban KSh 600 milioni yaliteketea huku tisa kati yao yakiteketea hadi kuwa jivu.

Makachero aidha walimtambua mshukiwa mkuu kama Adow mwenye umri wa miaka 31, mzaliwa wa Mandera ambaye alihudumu kama wakala katika biashara hiyo baada ya picha za siri za CCTV kumnasa akiteketeza jumba hilo moto.

Aidha, maafisa wa polisi wangali wanamsaka Adow, huku maswali yakizidi kuibuka kuhusu kilimchomsukuma kutekeleza kisa hicho.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko





Source link

Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com