Connect with us
Loading...

General News

Muranga: Polisi wanasa KSh 909k ghushi ▷ Kenya News

Published

on


Polisi Kaunti ya Murang’a wamenasa noti za alfu moja kwenye kitita cha shilingi laki tisa na tisa huku watu watatu wakitiwa mbaroni kuhusiana na kisa hicho.

Watatu hao walitiwa mabaroni katika eneo bunge la Kandara huku maafisa wa polisi katika kituo cha kabati wakisema mshukiwa mmoja alipatikana na fedha ghushi kwenye gari lake.

Habari Nyingine: Passaris atofautiana na Sonko baada ya ubomozi wa Pangani

Kamanda wa polisi wa Murang’a Joseph Kinyua alisema mmoja wa washukiwa hao kwa jina Stephen Murigi alikuwa ametakiwa kufika kwenye kituo cha polisi cha Kabati ambapo anachunguzwa kwenye kesi tofauti.

Baada ya kufika hapo, maafisa wa polisi waligundua alikuwa na fedha hizo kwenye gari lake na hivyo kumtia mbaroni.

Habari Nyingine: Maamuzi ya mahakama yaliyovunja ari ya Uhuru kumaliza ufisadi

“Polisi pia walipata kifaa ambacho hutumika kutengeneza fedha hizo ghusi,” alisema Kinyua.

Washukiwa hao wengine wawili Joyce Muthoni na Raphael Njoroge walikamatwa katika eneo la Kaburugi wadi ya Ng’araria baada ya kujaribu kuweka shilingi alfu 17 kupitia kwa mhudumu wa M-Pesa.

“Mhudumu wa M-Pesa aligundua na hivyo akawahadaa wasubiri kabla ya yeye kujulisha wananchi na hivyo gari la wawili hao likazuiliwa na wananchi kabla ya kuwakamata na kuwapeleka hadi kwa maafisa wa polisi,” aliongeza kamanda huyo.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko





Source link

Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com