Connect with us
Loading...

General News

Mwakilishi Kike Murang’a Sabina Chege achiririza machozi kwa kuaibishwa mbele ya wageni wake ▷ Kenya News

Published

on


– Sabina Chege aliandamana na wanasiasa wenzake wa kike alipozomewa baada ya kupanda jukwaani kuwahotubia waliofika

– Alizomewa mara baada ya kusema kundi lake la lilikuwa likiunga mkono salamu kati ya Uhuru and Raila

– Alisema kundi la waliokuwa wakimpigia kelele na kuimba jina la Ruto ni watu waliotumwa na mahasimu wake

Mwakilishi Kike wa Kaunti ya Murang’a Sabina Chege mnamo Ijumaa, Juni 14 alikabiliwa na hali ya watu kumzomea alipokuwa akihotubia eneo bunge lake.

Chege alikuwa ameandamana na wanasiasa wa kike wenzake wa kundi la uhamasishaji wakati baadhi ya watu waliofika walipomzomea wakati akizungumza.

Habari Nyingine: Mbunge wa Jubilee avaa kinyasa kilichopasuka makalioni na kwenda bila viatu kuwahamasisha wanafunzi

Sabina Chege aliandamana na wanasiasa wenzake wa kike alipozomewa baada ya kupanda jukwaani kuwahotubia waliofika. Picha: UGC
Source: UGC

Kulingana na Citizen TV, mjadala kuhusu ‘Handshake’, ambao umekivunja Chama cha Jubilee mapande mawili ndio sababu ya kuzomewa kwa mbunge huyo na watu waliokuwa wakiimba na kulisifu jina la Naibu Rais William Ruto.

Sabina alijaribu kuwatuliwa lakini walizidi kumwimbia wimbo huo na kumfanya kukasirika.

Mwakilishi huyo wa kike wa Murang’a alidai kuwa, waliokuwa wakimzomea ni watu waliotumwa na wapinzani wake.

Habari Nyingine: Gavana Lee Kinyanjui aamuru kusajiliwa kwa watoto wote wanaozurura mitaani Nakuru

“Naapa ikiwa umetumwa hapa na mtu… Nakulaani nikiwa mama kaunti wako, msiniaibishe mbele ya wageni wangu.” alisema.

Alianza kulia baada ya waliokuwa wakiimba kukataa kukoma kumwaibisha na alipotulia, alichukua tena maikrofoni na kutetea salamu kati ya Rais Uhuru Kenyatta na kiongozi wa Upinzani Raila Odinga pia kusema ni vyema rais kuruhusiwa kukamilisha hatamu yake kwa njia nzuri.

“Unampenda Uhuru ama hapana? Mnataka kumwaibisha? Tumpe Uhuru muda wa kufanya kazi yake, ana miaka mitatu kukamilisha kazi yake na tutamuunga mkono na mawaziri wake,” alisema.

Habari Nyingine: Hatimaye familia ya Murungi, mmiliki wa Mastermind Tobacco aliyezikwa aandaliwa ibada ya wafu

Kundi la Sabina limekuwa likihimiza na kuhamasisha kuhusu salamu kati ya Uhuru na Raila na lilikuwa limepiga kambi Murang’a na ni sehemu ya safari yao wakiazimia kufika kote nchini.

Viongozi waliofika ni Gavana wa Kirinyaga Anne Waiguru, Mbunge wa Homabay Gladys Wanga na Mbunge wa Kigumo Wangari Mwaniki,

Wengine waliokuwapo ni Katibu Msimamizi Mkuu wa Wizara ya Utumishi kwa Umma, Vijana na Masuala ya Vijana Rachel Shebesh na Mwakilishi wa Kike wa Wajir Fatuma Gedi miongoni mwa wengine.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko





Source link

Advertisement
Loading...
Loading...

Facebook

Loading...

Trending

Social Media Auto Publish Powered By : XYZScripts.com