Penzi hatari: Mkewe Chris Attoh alikuwa ameolewa na wanaume wawili ▷ Kenya News

Ripoti zinazoibuka zinasema kuwa mkewe muigizaji mashuhuri kutoka Ghana Chris Attoh, Bettie Jennifer, alikuwa na mabwana wawili kabla ya kuuawa kwake.

Chris alifunga pingu za maisha na kidosho huyo mnamo Oktoba mwaka wa 2018.

Hata hivyo, Bettie alikuwa mke wa mtu wakati huo kwani hakuwa amemtalaki mumewe kisheria.

Habari Nyingine: Polisi wamzuilia mwanamke ambaye inaaminika ni Veronica Kemunto

Kabla ya kuolewa na Chris, Bettie alikuwa mkewe Kedrick Jennifer aliyefungwa kifungo cha miaka 20 baada ya kupatikana na hatia ya kuhusika na biashara ya mihadarati.

Gazeti la DailyMail, limesema hatua ya kuvunja ndoa kati ya Bettie na Kedrick ilianza Aprili mwaka huku na hivyo kisheria bado alikuwa mkewe bwenyenye huyo.

Kedrick alipokezwa kifungo hicho mwaka wa 2016.

Habari Nyingine: Macharia: SGR lazima itafika Kisumu

Kabla ya kufungwa kwake, Kedrick aliishi na Bettie kwenye jumba la kifahari mtaani Bowie, Maryland nchini Amerika.

Mkuu wa polisi mjini Greenbelt George Matthews alisema lazima mauaji ya Bettie yalipangwa na watu fulani.

“Kuna mtu ambaye alitaka Bettie auawe,” Matthews alisema.

Habari Nyingine: Habari njema kwa walimu wasiokuwa na ajira, serikali inapanga kuajiri 95 elfu

Mwendazake alipigwa risasi katika eneo la kuegeshea magari mnamo Ijumaa, Mei 10, na jambazi aliyekuwa amejihami kwa bunduki.

Alipigwa risasi na kufariki papo hapo.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke; obed.simiyu@tuko.co.ke au WhatsApp: 0732482690. Tufuate kwa Telegram: Tuko news.

Source: Tuko