Reli ya SGR yaendelea kutambaa, sasa yaanza kusafirisha shehena kwenda Naivasha ▷ Kenya News

– Uzinduzi rasmi wa Bandari Kavu ya Kontena mjini Naivasha itakayopokea shehena kutoka Mombasa kutumia Reli ya Kisasa SGR ulifanywa na Rais Uhuru Kenyatta

– Kuzinduliwa kwa huduma hiyo kunatarajiwa kuboresha maendeleo katika eneo la Afrika Mashariki ikiwemo Burundi, Rwanda, Uganda, Sudan Kusini na maeneo ya Jamhuri ya Demokrasia ya Congo (DRC)

– Reli hiyo ina leni nne za kusafirishia abiria kutoka vituo vya; Ongata Rongai, Ngong, Mai Mahiu na Suswa na kituo kimoja cha kubadilishia leni kilichopo eneo la Nachu

– Mjumbe maalum wa Rais wa Uchina Wang Yong ni miongoni mwa wageni wawakilishi wa washirika katika mradi huu waliohudhuria

Rais Uhuru Kenyatta Jumanne, Disemba 17, alizindua rasmi Bandari Kavu ya Kontena mjini Naivasha itakayopokea shehena kutoka Mombasa kutumia Reli ya Kisasa SGR.

Bandari hiyo kavu (ICD) ipo kwenye reli mpya ya Nairobi-Suswa ambayo iliigharimu serikali KSh 150 bilioni. Inapita miji ya kaunti za Nairobi, Kajiado, Narok na Nakuru.

Habari yingine: Sitaki matusi kwa mke wangu, mumewe Gavana Anne Mumbi asema

Habari Nyingine: Mkenya ashinda tuzo ya kimataifa ya Mtafsiri Bora

Reli hiyo ina leni nne za kusafirishia abiria kutoka vituo vya; Ongata Rongai, Ngong, Mai Mahiu na Suswa na kituo kimoja cha kubadilishia leni kilichopo eneo la Nachu.

Kuanza kwa oparesheni za reli hiyo ya SGR kunatarajiwa kuboresha maendeleo katika eneo la Afrika Mashariki ikiwemo Burundi, Rwanda, Uganda, Sudan Kusini na maeneo ya Jamhuri ya Demokrasia ya Congo (DRC).

Habari Nyingine: Martha Karua akubali kumtetea King Kaka dhidi ya Gavana Waiguru

Kwenye hafla hiyo inayofanyika huko Syokimau, mjumbe maalum wa Rais wa Uchina Wang Yong ni miongoni mwa wageni wakilishi wa washirika katika mradi huu. Picha: The Standard
Source: UGC

Rais Uhuru alisema kuwa, serikali yake imejitolea kuboresha miundombinu kote nchini ili kuifanya Kenya kuwa kituo cha wawekezaji.

Alisema kazi ya kuboresha na kuanzisha huduma za reli ya zamani eneo la 2B kwenda Malaba inaendelea.

Habari Nyingine: Wajinga Nyinyi: Wakili Ahmednasir Abdullahi asisitiza kuwa atamwakilisha King Kaka kortini akishtakiwa

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.