Connect with us

General News

Sakaja awakumbusha Murkomen na Mutula Jnr kuhusu kazi ya seneta ▷ Kenya News

Published

on

Loading...


– Sakaja anateta vikali kuhusu wenzake kuwatetea kortini washukiwa wa wizi na uporaji wa mali ya umma

– Sonko anayekabiliwa na tuhuma za ufisadi alifikishwa katika Mahakama ya Milimani ili kusomewa mashtaka

– Seneta huyo alisema hatua iliyochukuliwa na Kipchumba Murkomen (Elgeyo Marakwet) na Mutula Kilonzo Junior (Makueni) sio nzuri

– Kulingana naye, ni kinyume na majuku yaliyowatuma katika seneti ambayo ni kulinda mali ya umma katika kaunti

– Sonko alikamatwa Ijumaa, Desemba 6 Kaunti ya Taita Taveta na kusafirishwa kwa helikopta hadi Nairobi

Seneta wa Nairobi Johnson Sakaja ameteta vikali kuhusu tabia ya wenzake wanaowatetea kortini washukiwa wa wizi na uporaji wa mali ya umma.

Akizungumza Jumanne, Desemba 10, Sakaja alisem kuwa, inasikitisha kuwaona maseneta wenzake wakimwakilisha Gavana Mike Sonko katika kesi ya madai ya ufisadi inayomkabili.

Habari Nyingine: Seneta Kipchumba Murkomen aongoza kikosi cha mawakili 12 wa Gavana Sonko

Seneta Johnson Sakaja anateta vikali kuhusu wenzake kuwatetea kortini washukiwa wa wizi na uporaji wa mali ya umma. Picha: Johnsone Sakaja
Source: Facebook

Kwenye mahojiano na KISS FM kupitia njia ya simu, seneta huyo alisema kuwa jukumu la maseneta ni kuchunguza jinsi ugatuzi unavyoendeshwa na kuhakikisha unafanywa inavyofaa na kwamba hatua iliyochukuliwa na maseneta Kipchumba Murkomen (Elgeyo Marakwet) na Mutula Kilonzo Junior (Makueni) sio nzuri.

Kulingana naye, ni picha mbaya ambayo inaashiria, wanaunga mkono ufisadi na ufujaji wa pesa za umma katika kaunti.

Habari Nyingine: Meru: Polisi 3 wakamatwa baada ya bunduki kupotea kituoni

Seneta Sakaja ashangazwa na wenzake wanaomtetea Sonko kortini

Sonko alikamatwa Ijumaa, Desemba 6 Kaunti ya Taita Taveta na kusafirishwa kwa helikopta hadi Nairobi.
Source: Original

Sonko anawakilishwa kortini na kikosi cha mawakili katika kesi ya ufisadi inayomkabili, na inayohusu ufujaji wa KSh 357m. Miongoni mwa mawakili hao ni Murkomen na Mutula

Sakaja alitaka kufahamu jinsi wenzake hao watakavyotoa hoja zao katika seneti kuhusu ufujaji wa pesa za kaunti, ilhali wapo kortini wamkitetea gavana anayedaiwa kupora mali ya umma.

“Wawili hao wanahujumu kazi ya seneti ambayo ni kulinda raslimali za kaunti. Seneti haifai kuonekana kupendelea yeyote. Ni wazi wanachofanya katika kumtetea Sonko mahakamni ni kuonyesha mapendeleo,” Sakaja alisema.

Habari Nyingine: Aliyekuwa mgombea wa urais Abduba Dida anaamini Wakenya watakuwa na maisha magumu Ruto akiwa rais

Loading...
Seneta Sakaja ashangazwa na wenzake wanaomtetea Sonko kortini

Gavana Sonko anawakilishwa kortini na kikosi cha mawakili katika kesi ya ufisadi inayomkabili, na inayohusu ufujaji wa KSh 357m. Miongoni mwa mawakili hao ni Murkomen na Mutula.
Source: Original

Aliongeza kusema: “Kesi nyingi za ufisadi zimeripotiwa kaunti ya Nairobi, huenda zinahusishwa na Sonko na kwa hivyo ni lazima kujitetea mahakamani.

Sakaja ni wa maoni kuwa, maafisa wote serikalini wanaokabiliwa na madai ya ulaji rushwa ni lazima kuwa tayari kufika kortini ili kujibu mashtaka kwa kuwa mambo yamebadilika na si ilivyokuwa zamani.

Habari Nyingine: Gavana Sonko akimbizwa hospitalini baada ya kuugua ghafla akiwa gerezani

“Watu wenye madaraka serikalini wanafaa kufahamu kwamba siku za kuvunja sheria na kutochukuliwa hatua zimepita,” alisema.

Sonko alikamatwa Ijumaa, Desemba 6 Kaunti ya Taita Taveta na kusafirishwa kwa helikopta hadi Nairobi alikofikishwa katika Mahakama ya Milimani ili kusomewa mashtaka.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.





Source link

Comments

comments

Loading...
Advertisement
Loading...
Loading...

Facebook

Loading...

Trending