Simanzi baada ya mjane kuuwawa na mrithi wake ▷ Kenya News

– Wawili hao wamekuwa wakizozana tangu walipoanza kuishi pamoja

– Mwanawe marehemu ndiye aliyepata mwili huo wakati alipokuwa amemtembelea mamake

– Mshukiwa alitoroka baada ya kutekeleza uhalifu huo

– Maafisa wa polisi wameamzisha msako wa kumkamata mshukiwa huku wakiomba usaidizi kutoka kwa umma

Biwi la simanzi limetanda katika kijiji cha Kombok kata ya Ramba eneo la Rachuonyo Mashariki baada ya mjane mwenye umri wa miaka 37, kuliwa na mrithi wake kufuatia mizozo ya kinyumbani.

Mwili wa Margaret Akinyi Otieno ulipatikana umelowa damu baada ya kushambuliwa na mumewe Ademba Ngura.

Habari Nyingine: Magazeti ya Kenya Alhamisi, November 28:Uhuru aamuru kuzimwa kwa Tangatanga na Kieleweke

Mwili wa Margaret Akinyi Otieno ulipatikana umelowa damu baada ya kushambuliwa na mumewe Ademba Ngura.
Source: UGC

Habari Nyingine: BBI yahatarisha wadhifa wa ugavana Nairobi

Mwili huo unaripotiwa kupatikana na mwanawe 7:30 asubuhi, wakati alikuwa amemtenbelea mamake.

Akithibitisha kisa hicho, Kamanda wa Polisi wa Kaunti Ndogo ya Rachuonyo Mashariki, Charles Barasa, alisema mwanamke huyo alilemewa na majeraha mabaya ya shingo na kusababisha kifo chake kama ilivyoripoti Nairobi News.

Barasa pia aliongezea kwamba uchunguzi waliofanya ulibaini kuwa mshukiwa alitumia kifaa chenye makali kumtoa uhai mama huyo kabla ya kutoroka.

Mwili wa mwendazake ulipelekwa katika chumba cha kuhifadhi maiti cha Rachuonyo Kusini kufanyiwa upasuaji.
Source: Depositphotos

Habari Nyingine: Matokeo ya DNA yakosa kumhusisha Jowie na mshukiwa aliyemfunga Monica Kimani kamba

Kamada huyo alidokezea kuwa majirani wa mwendazake walisema wawili hao wamekuwa wakizozana tangu walipoanza kuishi pamoja.

Tayari msako umeanzishwa kumsaka mshukiwa ambaye aliingia mitini baada ya kutekeleza unyama huo.

Mwili wa mwendazake ulipelekwa katika chumba cha kuhifadhi maiti cha Rachuonyo Kusini kufanyiwa upasuaji.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 073248269