UN yashtushwa na video ya ngono ndani ya gari lake nchini Israel.

-Msemaji wa katibu mkuu wa Umoja wa Mataifa, Antonio Guterres , Stephane Dujarric, alikitaja kitendo hicho kama cha kuudhi

– Katika video hiyo, mwanamke anaonekana akiwa amemkalia mwanamume katika kiti cha nyuma cha gari hilo lenye nembo ya UN wakifanya madhambi

– Wale waliohusika wanaaminika kuwa maafisa wa kulinda amani nchini Israel na wanakaribia kutambuliwa

Umoja wa Mataifa(UN), umesema kwamba umekerwa na kanda ya video ya ngono ambayo ilinakiliwa ndani ya gari moja la umoja huo nchini Israel.

Kanda hiyo ya video iliyozagaa katika mitandao ya kijamii ilidaiwa kunaswa katika barabara kuu mjini Tel Aviv.

Habari Nyingine: Kempinski wajitetea kuhusu video ya wafanyakazi walionaswa wakinyofoa tunda la Edeni

Umoja wa Mataifa(UN), umesema kwamba umekerwa na kanda ya video ya ngono. Picha: UGC.
Source: UGC

Habari Nyingine: Baba ampiga hadi kumuua bintiye kwa kumfumania chumbani na mpenziwe

Katika video hiyo, mwanamke aliyevalia rinda jekundu anaonekana akiwa amemkalia mwanamume katika kiti cha nyuma cha gari hilo lenye nembo ya UN.

Wawili hao wanaonekana kujamiana huku abiria mwengine akiwa ameketi mbele lakini dereva haonekani huku gari likiendeshwa kwa kasi.

Habari Nyingine: Seneta Isaac Mwaura aadhimisha miaka 5 katika ndoa

Katika mahojiano na shirika la BBC, msemaji wa katibu mkuu wa Umoja wa Mataifa, Antonio Guterres , Stephane Dujarric, alikitaja kitendo hicho kama cha kusikitisha na kukera.

“Tumeshtushwa na kushangazwa na kile kinachoonekana katika video hii,”

”Tabia kama hiyo ni kinyume na chochote kile tunachokiamini”, alisema Dujarric.

Msemaji wa katibu mkuu wa Umoja wa Mataifa alikitaja kitendo hicho kama cha kusikitisha. Picha:UGC.
Source: UGC

Kulingana na UN, wale waliohusika wanaaminika kuwa maafisa wa kulinda amani nchini Israel na wanakaribia kutambuliwa.

Umoja wa Mataifa una sheria kali dhidi ya tabia za ngono miongoni mwa wafanyakazi wake na wanaweza kuadhibiwa iwapo watakiuka sheria hiyo.

Kando na hayo muungano huo umekuwa ukichunguzwa kufuatia madai ya dhuluma za ngono ambayo imekuwa ikiwahusisha maafisa wake na wasichana wachanga.

Katibu mkuu wa Umoja wa mataifa aliahidi kukabiliana na shutuma za utovu wa nidhamu wa kingono katika muungano huo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.