80 wa familia moja waingia karantini baada ya jamaa wao kunasa corona

– Maafisa wa afya jimbo la Bomet walithibitihsha kuwa mgonjwa huyo alikuwa dereva wa kampuni moja ya majani chai eneo hilo

– Alitengwa katika kituo cha afya cha kampuni hiyo kaunti jirani ya Kericho

– Serikali ya kaunti iliagiza kuwa mgonjwa huyo atengwe ili kuzuia maambukizi kwa watu wengine

Maafisa wa afya wa kaunti ya Bomet wamewaweka watu 80 karantini kutokana na hofu ya kusambaa kwa virusi vya corona.

80 hao ni watu wa familia moja ambapo jamaa wao mmoja alithibitishwa kuwa na virusi vya corona mnamo Jumatano, Julai 80 eneo la Konoin.

Habari Nyingine: Muuguzi wa KNH, mhudumu wa hoteli washtakiwa kwa kuunda vyeti feki vya COVID-19

Waziri wa Afya Kagwe awali akiwahutubia waandishi wa habari. Picha: Bebeto Ogutu/TUKO.co.ke.
Source: Original

“Idadi ya watu 80 wa familia moja wametambulika na kuagizwa kuingia karantini chini ya uangalizi wa maafisa na wahudumu wa afya,” afisa wa afya wa kaunti hiyo Joseph Sitonik alisema.

Sitonik alithibitisha kwamba jamaa huyo alikuwa akifanya kazi katika kampuni ya Unilever Tea na alitengwa katika kituo cha afyta cha kampuni hiyo kaunti ya Kericho.

Habari Nyingine: Waziri Kagwe awatahadharisha waraibu wa miraa dhidi ya kukaribiana ovyo ‘wakichana’

Haya yanajiri wakati idadi ya walioambukizwa virusi vya corona nchini Kenya ikikaribia 10,000.

Mnamo Julai 9, Waziri wa Afya Mutahi Kagwe alitangaza visa vipya 447 vya COVID-19 na kufukisha idadi ya wagonjwa kugonga 8, 975.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.