Nairobi na Mombasa kwenye hatari zaidi ya maambukizi ya coronavirus

– Visa vya maambukizi vimeongezeka na watu 447 idadi sasa ikifikia 8975

– Wanaume wanazidi kujipata pabaya zaidi wakiwa ni wanaume 280 na wanawake 167

– Kagwe alisema Mombasa iko katika hatari ya maambukizi zaidi kutokana na kufunguliwa kwa mipaka watu wasafiri

Janga la Covid-19 linazidi kukita mizizi nchini huku visa vipya 447 vya maambukizi vikiripotiwa Alhamisi, Julai 9.

Waziri wa Afya Mutahi Kagwe alitangaza visa hivyo ikiwa ndio idadi ya juu zaidi kuwahi kuripotiwa tangu kisa cha kwanza mwezi Machi.

Habari Nyingine: Dereva wa teksi apatikana ameaga dunia ndani ya gari

Waziri Mutahi Kagi Alhamisi, Julai 9 alipotangaza visa vipya vya Covid-19. Picha: NTV
Source: Facebook

Visa hivyo vilitokana na sampuli 3803 ambazo zilifanyiwa ukaguzi na sasa idadi ya maambukizi Kenya imefikia watu 8975.

Kagwe alitoa ripoti hiyo akiwa katika kaunti ya Mombasa ambapo alisema pia wagonjwa wanne wameangamizwa na makali ya coronavirus.

“Kwa udadisi wetu, ni kama watu 138 kwa sasa wanapatikana na virusi vya Covid-19 kwa kila watu 100,000 Mombasa na watu 100 kwa watu 100,000 Nairobi,” alisema Kagwe.

Habari Nyingine: Baba ni baba: Gavana Joho, Junet wafunga safari hadi Dubai kumuona Raila Odinga

Visa vya Covid-19 vinafikia 8975.
Source: UGC

Kagwe alionya kuwa huenda Mombasa ikaathirika pakubwa kwa sababu watu wengi wamekuwa wakimezea kuzuru eneo hilo kaunti zikifunguliwa.

Mombasa ina visa 1,663 na huenda visa hivi vikaongezeka kwa sababu Mombasa ni mahali kila mtu Nairobi amekuwa akitaka kuzuru kafyu ya kusafiri ikitolewa”, Kagwe alisema.

Habari Nyingine: Video ya mtangazaji Lilian Muli akinengua kiuno yawafurahisha wengi mitandaoni

Waziri Mutahi Kagwe aliwataka Wakenya kulinda wazee zao wanapoenda mashambani. Picha:MoH
Source: Facebook

Waziri alisema sasa imefikia kiwango cha kila mtu kuhakikisha kuwa anajilinda kikamilifu.

“Sasa katika kila kijiji hapa Mombasa na Kenya nyote, ni wewe tu unaweza kujilinda kikamilifu,” alisema Waziri.

Aliwataka wapenzi wa miraa na abiria kuhakikisha wanachukua hatua zifaazo kujilinda.

Habari Nyingine: Mke wa mwanahabari wa KTN Ben Kitili, Amina Mude afichua kuwa wametengana

Visa 447 vipya vya Covid-19 vimeripotiwa nchini. Picha: MoH
Source: UGC

“Wale watu wanachonga miraa, hakikisha hauko karibu na mwingine, bado itaingia tu. Wewe chonga ukiwa mbali,” aliongeza Kagwe.

Waziri aliwataka Wakenya kuwajali wakongwe kwa kuwalinda ifaavyo dhidi ya janga la maradhi hayo.

“Mimi nina watoto, nina mama, nina jirani . . . na mimi pia ni mtoto wa mtu. na ninaweza kumpelekea mamangu nikimkimbilia bila maski,“alisema.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.