Kuria asema wamesalitiwa, aashiria Raila amefaulu kujipanga kwa 2022

– Mbunge wa Gatundu Kusini amewapongeza wandani wa Raila waliochukua usukani wa kamati ya sheria bungeni

– Alisema walipewa nafasi hizo ili watekeleze malengo yakinara wa ODM Raila Odinga kama kupitishwa kwa BBI

– Kamati hiyo ilikuwa awali chini ya usimamizi wa wandani wa Ruto wakiongozwa na William Cheptumo

Mbunge wa Gatundu Kusini Moses Kuria amewapongeza wandani wa kinara wa ODM Raila Odinga walioteuliwa kuhudumu katika kamati ya sheria bungeni (JLAC).

Wabunge wa ODM Otiende Omolo, Junet Mohammed, Peter Kaluma na Anthony Oluoch walichaguliwa kuhudumu kwenye kamati hiyo.

Habari Nyingine: Makachero wanamsaka mwizi aliyempiga jamaa risasi mtaani Eastleigh akikimbia umati

Moses Kuriaamewapongeza wandani wa Raila Odinga waliochaguliwa kuhudumu kwenye kamati ya sheria bungeni. Picha: Citizen
Source: Facebook

Mbunge Otiende ndiye atahudumu kwenye kamati hiyo kama mwenyekiti na anachukua wadhifa huo baada ya wandani wa Naibu Rais William Ruto kutimuliwa.

Kmati hiyo ilikuwa chini ya uenyekiti wa Mbunge wa Baringo Kaskazini William Cheptumo na naibu wake Alice Wahome ambao ni wandani wa DP Ruto.

Wawili hao walitimuliwa katika vita vilivyokuwa vikiendelea kuwalenga wote walioonekana kuwa waasi wa kiongozi wa chama Uhuru Kenyatta.

Habari Nyingine: Basi la Homeboyz ambalo liliwaua watu 55 Fort Ternan, lageuzwa lori la kubeba mizigo

Otiende Amollo ndiye atahudumu kama mwenyekiti wa kamati ya sheria bungeni. Picha: Otiende Amollo
Source: Facebook

Kuria alisema wandani wa Raila walipewa nafasi hizo kama vibaraka wa kuhakikisha malengo ya kigogo wao wa siasa.

Alisema baadhi ya malengo hayo ni kuhakikisha kuwa ripoti ya BBI inapitishwa bungeni ifaavyo na pia kuchaguliwa kwa msajili mpya wa vyama vya kisiasa.

“Sasa msisahau kwa nini Baba amewateua kwenye kamati hii. Ni ili muweze kupitisha BBI, kuchaguliwa wa Jaji Mkuu anayependelea Baba, mulete tume huru ya mipaka na uchaguzi inayoegemea upande wake na msajili wa vyama,” alisema Kuria.

Habari Nyingine: Video ya Gavana Joho akipiga tizi yawachemsha mabinti

Aidha mbunge huyo alisema upande wake umekuwa ukichezewa karata za kisiasa lakini wamekubali na kusalimu amri.

“Hakikisheni mmefuata maagizo mliyopewa. Tuliuzwa na tukakubali,” alisema Kuria ambaye ni mmoja wa wandani wa DP

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.