Afisa aliyehusika katika mauaji ya mshonaji wa viatu Lessos ashtakiwa

Afisa wa polisi aliyemfyatulia risasi na kumuua mshonaji wa viatu eneo la Lessos kaunti ya Nandi ameshtakiwa kwa mauaji katika mahakama mjini Eldoret.

Afisa huyo Sammy Onyango ambaye tayari amepigwa kalamu aliwasilishwa mbele ya Jaji Hellen Omondi kwa madai ya kumpiga risasi Lazarus Tirop.

Habari Nyingine: Machakos: Kampuni moja yaandikisha visa 68 kati ya 97 vya COVID-19

Ghasia zilizuka Lesson Juni 25 baada ya polisi kumpiga risasi Lazarus Tirop. Picha: The Star.
Source: UGC

Mahakama iliarifiwa kwamba Onyango alimuua Tirop Juni 25 alipojaribu kutatua mabishano yaliyozuka baada ya afisa huyo kumuitisha mhudumu wa bodaboda KSh 50 kwa kutovalia mski.

Ripoti zilisema konstebo huyo alifanyiwa uchunguzi wa kiakili na kupimwa dhidi ya COVID-19 kabla ya kufikishwa mahakamani.

Habari Nyingine: Elimu inateketea nchini kisa janga la Covid-19

Wakili wa Onyango Judy Muriuki aliiomba mahakama kumwachilia mshukiwa kwa dhamana na ombi hilo hilo litasikizwa Ijumaa, Julai 17.

Wakazi wenye ghadhabu waliiteketeza nyumba ya afisa huyo. Picha: The Star.
Source: UGC

Mshukiwa Onyango atasalia katika kituo cha polisi cha Eldoret West.

Awali TUKO.co.ke iliripoti kuwa marehemu, ambaye alifanya kazi ya kushona viatu na kupaka rangi huko Lessos alijaribu kutatua mzozo baina ya afisa huyo na mhudumu wa boda boda.

Habari Nyingine: Mudavadi afanya mkutano na viongozi kutoka Mlima Kenya

Inadaiwa kwamba afisa huyo alikuwa akiitisha rushwa ya KSh 50 kutoka kwa mhudumu huyo baada ya kumpata bila maski.

Katika hali hiyo mabishano makali yaliiibuka kati ya watatu hao na ndiposa afisa huyo akachomoa bunduki yake na kumfyatulia risasi mshonaji viatu huyo kichwani.

Wakazi waliposikia kilichotokea walipandwa na mori na kuanza kuchoma magurumudumu wakiandamana barabarani wakitaka mwathiriwa kutendewa haki.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.