Afisa kutoka kituo cha Kiptagich asababisha ajali akiwa mlevi

– Afisa huyo ambaye anahudumu katika kituo cha polisi cha Kiptagich alisababisha ajali hiyo kaunti ya Nakuru

– Wenyeji walijaribu kumsaidia lakini afisa huyo alionekana kuwa mkaidi kwenye video iliyosambaa mitanfaoni

– Haya yajaniri takriban wiki mbili baada ya afisa wa kike kutoka Navakholo kusababisha ajali na kubomoa ukuta wa kanisa akifunzwa kuendesha gari

Afisa wa polisi wa kituo cha Kiptagich aliponea kifo kwa tundu la sindano baada ya kusababisha ajali akiendesha gari la polisi kaunti ya Nakuru.

Video iliyosambaa mitandaoni ilionesha gari la aina ya Toyota Land Cruiser likigonga ua huku polisi aliyekuwa akiliendesha akionekana mlevi.

Habari Nyingine: Moses Kuria na Sudi kukutana na kamati ya nidhamu ya Jubilee

Mkazi mmoja alijaribu kumzuia afisa huyo kuingia ndani ya gari hilo ambalo alitaka kuliondoa kwa haraka eneo la ajali. Picha: UGC.
Source: UGC

Wakazi walifika eneo hilo na kuanza kumzuia afisa huyo kuingia ndani ya gari hilo ambalo alitaka kuliondoa kwa haraka eneo la ajali.

Afisa huyo alionekana kuwa na wakati mgumu kusimama kwani alikuwa amechanganyikiwa huku damu ikimtoka usoni kufuatia ajali hiyo.

Habari Nyingine: Upepo size yake: Msanii Size 8 afichua hakuvaa chupi kabla ya kuokoka

Wenyeji hao ambao wengi wao walikuwa wahudumu wa boadaboda wa eneo hilo, hawakuonekana kuvalia maski licha ya ukarimu wao wa kutaka kumsaidia afisa huyo.

Haya yajaniri wiki mbili baada ya maafisa wengine wawili kutoka kituo cha Navakholo kaunti ya Kakamega kusababisha ajali Jumatatu, Julai 6.

Kulingana na wenyeji, ajali hiyo ilitokea wakati afisa wa kike alikuwa akifunzwa kuendesha gari na afisa mwenzake wa kiume ambapo waligonga ukuta wa kanisa na kuuharibu kabisa.

Wenyeji walitaka amaafisa hao kuchukuliwa hatua na kuwafidia katika kulikarabati kanisa hilo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.