Afisa wa polisi asababisha ajali akifunzwa kuendesha gari

Wakazi wa eneo la Ingotse, Navakholo kaunti ya Kakamega wanataka adhabu kali ichukiliwe dhidi ya maafisa wawili wa polisi.

Haya ni baada ya gari walimokuwa wakisafiria kugonga ukuta wa kanisa na kuuharibu vibaya.

Habari Nyingine: Kirinyaga: Washukiwa wanne wauawa wakijaribu kuiba mbuzi

Gari la kituo cha polisi cha Navakholo liligonga ukuta wa kanisa Jumatatu, Julai 6. Picha: K24 Digital.
Source: UGC

Kulingana na wenyeji, ajali hiyo ilitokea wakati afisa wa kike alikuwa akifunzwa kuendesha gari na afisa mwenzake wa kiume kwa mujibu wa K24 Digital.

Walidai kwamba gari hilo lilikuwa linaendeshwa kwa kasi wakati afisa aliyekuwa akifunzwa aliposhindwa kulidhibiti na kuligonga kanisa hilo.

Habari Nyingine: Avamiwa na siafu baada ya kukataa kuoa binti ya mganga

Hata hivyo wakazi hao walimshutumu afisa huyo wa kike na kusema alikuwa mlevi baada yao kumuondoa ndani ya gari hilo ingawaje madai hayo hayangeweza kuthibitishwa.

Wenyeji hao sasa wanataka maafisa hao na kituo cha polisi cha Navakholo kwa jumla kuwafidia katika ukarabati wa kanisa hiyo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.