Afueni kwa Ruth Matete baada ya mahakama kumruhusu kuzika mumewe

– Habari hizo njema zilichapishwa Instagram na rafikiye Ruth Jerida Andayi

– Mwili wa mumewe Ruth umehifadhiwa katika makafani ya hospitali ya Chuo Kikuu cha Kenyatta

– Ubalozi wa Nigeria uliamuru mwili wa mwenda zake usizikwe hadi taifa hilo litakapotoa mwelekeo

Mwimbaji wa nyimbo za injili Ruth Matete amepata afueni miezi miwili tangu alipompoteza mumewe kutoka Nigeria John Apewajoye.

TUKO.co.ke imebaini kwamba Matete ambaye kwa wakati mmoja alikuwa mshindi wa TPF5 hatimaye ameruhisiwa kumzika marehemu mumewe nchini Kenya.

Habari Nyingine: Kamati ya kumpatanisha Gavana Waiguru na MCAs wa Kirinyaga yaundwa

Mtangazaji wa Radio Citizen Jerida Andayi ambaye pia ni rafiki wa Ruth alikuwa wa kwanza kuuchapisha ujumbe kwenye ukurasa wake wa Instagram akiwajulisha mashabiki kuhusu hayo.

Alipakia picha waliyopiga na Ruth huku wawili hao wakiachia tabasamu kutokana na habari hiyo njema kwa rafikiye ambaye mumewe aliaga dunia kutokana na mkasa wa gesi nyumbani.

Habari Nyingine: Meru: Washukiwa watatu waliomteka nyara jamaa kwa siku 14 wanaswa msituni

“Hatimaye! Dadangu mdogo Ruth Matete ameruhusiwa kumzika mumewe. Mungu ni mwema,”Jerida alisema.

Wakati uo huo aliwarai watu kumsaidia Ruth katika kuandaa mazishi ya mumewe na kumchangia hela za kugharamia mazishi ya marehemu.

“Naomba tumpe Pasta Beloved John mazishi ya kiheshima kupitia nambari ya paybill ya 891300 Akaunti 39659. Shukran kwa sala zenu. Mambo yalikuwa magumu. Lakini Mungu amejidhihirisha,” aliongeza.

Haya yanajiri takriban mwezi mmoja baada ya Ubalozi wa Nigeria nchini Kenya kuamuru kuwa John asifanyiwe mazishi hadi serikali ya taifa hilo kutoa mwelekeo.

Habari Nyingine: COVID-19: Kenya yaandikisha idadi kubwa zaidi ya maambukizi ya coronavirus

Awali TUKO.co.ke iliripoti kuwa Ruth alielekea mahakamani akitaka ubalozi wa nchi hiyo kugharamia bili ya makafani.

Kupitia kwa wakili wake Robert Odanga, mwimbaji huyo wa wimbo wa Nakupenda alisema kuwa gharama ya makafani inazidi kupanda licha ya maiti ya mumewe kupasuliwa na kubaini kilichomuua.

Kulingana na mjane huyo, familia ya mwenda zake ilimkubalia kumzika mumewe mwenye umri wa miaka 42 nchini Kenya.

John, mchungaji kutoka Nigeria alithibitishwa kuaga dunia Jumapili, Aprili 12, 2020 kufuatia mkasa mbaya wa gesi ambapo aliachwa na majeraha ya kuchomeka kwa asilimua 60.

Habari Nyingine: Migori: Watu saba watozwa faini ya KSh 1k kila mmoja kwa kutovalia maski

Alilazwa katika chumba cha wagonjwa mahututi kwa kwa mwezi mmoja hadi alipoaga dunia jinsi ilivyothibitishwa na mkewe.

Tangu wakati huo, wili wake ulisalia kulazwa katika makafani ya hospitali ya Chuo Kiuu cha Kenyatta.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Subscribe to watch new videos