Bakora ya Rais Uhuru Kenyatta yamuangukia Wangui Ngirici bungeni

– Wabunge kadhaa wanazidi kulipa gharama ya kuwa wafuasi sugu wa DP Ruto na siasa zake za Ikulu 2022

– Ngirici amekuwa wa hivi maajuzi kuangukiwa na shoka kali ambalo limeelekezwa kwa wanaoegemea upande wa DP

– Alitimuliwa kutoka kamati ya bunge kuhusu fedha Jumatano, Julai 15 lakini akasema anajivunia kazi aliyochapa

Mwakilishi wa kina mama kaunti ya Kirinyaga Wangui Ngirici ametimuliwa kutoka kamati ya bunge kuhusu fehda na mipangalio.

Ngirici aliangukiwa na bakora ya Rais Uhuru Kenyatta Jumatano, Julai 15 katika vita ndani ya chama cha Jubilee kuwalenga wandani wa Naibu Rais William Ruto.

Habari Nyingine: Gavana Sonko asema huenda akawania ugavana katika kaunti nyingine 2022

mwakilishi wa kina mama kaunti ya Kirinyaga Wangui Ngirici. Ngirici alitimuliwa kutoka kamati ya bunge Jumatano Julai 15.
Source: Facebook

Kupitia kwa mtandao wake wa Twitter, Ngirici alisema anajivunia wakati aliohudumu kwenye kamati hiyo.

“Imekuwa ni fahari yangu kuhudumu katika kamati hiyo. Asanteni nyote mlioniunga mkono. Leo naondoka nikijivunia kazi niliyowafanyia Wakenya,” alisema Ngirici.

Habari Nyingine: Wahudumu 45 wa Afya kaunti ya Mombasa wakutwa na COVID-19

Ngirici ni mmoja wa wandani wa Naibu Rais William Ruto na kubanduliwa kwake kutoka kamati hiyo kunaonekana kuwa mjeledi kutoka kwa Rais Uhuru Kenyatta.

Kenyatta amekuwa akiongoza Jubilee kuwatimua wote wanaoshikilia nyadhifa na ni wafuasi sugu wa DP Ruto.

Ngirici amekuwa mwanaTangatanga mashuhuri na sauti yake imekuwa wazi ndani ya kundi la Inua Mama ambalo lilikuwa likimpigia debe DP kabla ya janga la Covid-19 kubisha.

Habari Nyingine: Gavana Sonko asema huenda akawania ugavana katika kaunti nyingine 2022

Wangui Ngirici alitimuliwa kutoka kamati ya bunge kuhusu fedha. Picha: Wangui Ngirici
Source: Facebook

Awali pia, Ngirici alitimuliwa kutoka wadhifa wa mwenyekiti wa muungano wa wabunge wa kike KEWOPA.

Nafasi yake ilichukuliwa na mwenzake wa kaunti ya Kiambu Gathoni wa Muchomba lakini Ngirici akapinga mageuzi hayo.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.