Deni la KSh 20 lamfanya barobaro azabwe na kuvuliwa shati hadharani

Kulizuka sokomoko katika soko la Kihunguro mtaani Ruiru baada ya jamaa kuvuliwa shati hadharani na mama mboga kwa kukataa kulia deni la KSh 20.

Duru zinaarifu kuwa mama mboga aliyekuwa na hasira aliamua kuchukua hatua hiyo baada ya jamaa kudinda kumlipa KSh 20 za mboga.

Habari Nyingine: Hatimaye Ruth Matete aruhusiwa kumzika marehemu mumewe

Akina mama wakiuza bidhaa zao sokoni. Picha: UGC
Source: UGC

Kwa mujibu wa Taifa Leo, lofa alifika katika kibanda cha mama na kuagiza sukuma wiki za shilingi hamsini lakini baada ya mama kumkatia mboga hizo alichomoa KSh 30 pekee.

Mama alipojaribu kumuuliza jamaa kuhusu salio la KSh 20, lofa alimwambia angeleta siku inayofuata.

Hata hivyo, mama mboga aliwaka akimlaumu jamaa kwa kuwa mgumu wa kulipa madeni huku akiwataja akina mama wengine wa vibanda ambao wamemlalamika.

Habari Nyingine: Pole sana! Wakenya wamtuliza Sharon Barang’a baada ya kuangukiwa na shoka la NMG

Inasemekana barobaro alijulikana sana kwa tabia ya kununua bidhaa kisha analipa pesa nusu huku akiahidi kumaliza deni baadaye.

“Mimi si mkeo wa kufanyia mzaha. Weka hapa pesa zangu,” mama alinguruma.

Semasema zinaarifu kuwa jamaa alipoona mambo yamechacha alimrudishia mama mboga alizokuwa amekatakata.

Inasemekana hatua hiyo ilimpandisha mama hasira zaidi.

Habari Nyingine: Meru: Washukiwa watatu waliomteka nyara jamaa kwa siku 14 wanaswa msituni

Alimrukia barobaro na kumzaba kofi moja ya kishua ambapo lofa alijikuta yuko chini bila shati.

“Mtandike kabisa. Usimpe shati lake,” mama mboga mmoja alisikika akisema.

Duru zinaarifu kuwa jamaa alijaribu kuomba msamaha lakini wapi!

“Ukora wako leo utaisha! Utaneda kwako ukiwa uchi. Ujue pia sisi hizi mboaga sio hati tunakopeshwa,” mama alimfokea jamaa huku akimwachilia kwenda zake bila shati.

Inasemekana kila mmoja liabki amekodoa macho kuona sinema ya bure pasi na kumuokoa jamaa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.