DP na wandani wake wabaki manuguniko baada ya kutolewa nyama mdomoni

– Wabunge wakosoaji wa DP Ruto wamefaidika na nafasi kwenye kamati za bunge

– Hilo lilifanyika baada ya wandani wa Ruto kutimuliwa kutoka nyadhifa zao na chama cha Jubilee

– Chama cha ODM ndicho kimeonekana kufaidika pakubwa na mzozo ndani ya Jubilee

Kundi la wabunge kutoka mrengo wa upinzani na ule wa Kieleweke ndani ya Jubilee lilizawadiwa baada ya wandani wa Naibu Rais William Ruto kutimuliwa kutoka nafasi kadhaa.

Aidha chama cha ODM ndicho kimeonekana kuvuna matunda zaidi kutokana na urafiki mpya wa kisiasa kati ya Raila Oduinga na Rais Uhuru Kenyatta.

Habari Nyingine: Seneta Sakaja alala ndani baada ya kunaswa akibugia pombe usiku

Wandani wa DP Ruto bungeni walitimuliwa na nafasi zao kupewa wakosoaji wake. Picha: Citizen
Source: Facebook

Wandani wa DP Ruto waliokuwa wakishikilia nyadhifa kama vile Mbunge wa Kikuyu Kimani Ichung’wah, Gladys Shollei wa Uasin Gishu, Moses Kuria wa Gatundu na wengine walitimuliwa kutoka nafasi walizokuwa wakishilia bungeni.

Wengine ni Alice Wahome wa Kandara, Wangui Ngirici wa Kirinyaga na William Cheptumo ambao walikuwa kwenye nafasi muhimu bungeni.

Ichung’wah alipoteza nafasi yake kama mwenyekiti wa kamati ya Bajeti kwa mbunge wa Kieni Kanini Kega.

Habari Nyingine: Afisa wa polisi anaswa ‘live’ akifanya mapenzi na mgonjwa wa Covid-19

Mbunge Kanini Kega ni baadhi ya waliozawadiwa baada ya wandani wa DP kutimuliwa kutoka nafasi za bunge. Puicha: Standard
Source: UGC

Kanini amekuwa mmoja wa wakosoaji wakuu wa DP Ruto na ndiye alianzisha mchakato wa kumtimua aliyekuwa kiongozi wa wengi Aden Duale.

Mwingine aliyezawadiwa ni mbunge wa Tiaty William Kamket aliyekabidhiwa wadhifa wa mwenyekiti wa kamati ya sheria bungeni.

Wabunge Joshua Kutunny na Ngunjiri Wambugu pia walipata nyama kwenye mgao huo mpya wa Jubilee.

Habari Nyingine: Mfanyikazi wa shamba ang’oa mboga kwa kunyimwa mshahara

Gladys Wanga alichaguliwa mwenyekiti wa kamati ya fedha bungeni. Picha: Standard
Source: Facebook

Aliyefaidika pakubwa hata hivyo ni mbunge wa Homa Bay Gladys Wanga baada ya kuchaguliwa kuwa mwenyekiti wa kamati ya fedha.

Wanga ndiye atakuwa mwanamke wa kwanza kushikilia wadhifa huo kwenye bunge la kitaifa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.