DP Ruto ahubiri amani Jubilee licha ya makamanda wake kumalizwa

– Ruto alisema sasa mabadiliko yaliyokuwa yakifanywa yamekamilika na wabunge wanafaa kuungana

– Alizungumzia shoka lililowaangukia majenerali wake kwenye bunge la kitaifa na lile la seneti

– Ruto anaonekana kuchukua kadi mpya ya kisiasa ambapo ametuliza milipuko yake kwenye mitandao

Naibu Rais William Ruto amezungumzia mabadiliko ambayo yamekuwa yakifanywa ndani ya chama cha Jubilee.

Ruto alisema ni wakati wa wabunge kufanya kazi pamoja bila mgawanyiko akiwataka kukubali mabadiliko yaliyofanywa.

Habari Nyingine: Kijana aliyepewa tenda ya kutengeneza vitanda 500 na serikali ni mwanasiasa

Naibu Rais William Ruto. Ruto aliwataka wabunge wa Jubilee kusalia pamoja bila mgawanyiko. Picha: William Ruto
Source: Facebook

Kupitia kwa ukurasa wake wa twitter, Ruto alizungumzia masaibu yaliyowapata wandani wake waliokuwa wakishikilia nyadhifa katika kamati mbali mbali.

“Baada ya mabadiliko kwenye bunge na kamati mbali mbali kukamilika, nawaomba wabunge wasigawanyike na badala yake wafanye kazi pamoja,” alisema DP

Habari Nyingine: Sonko azua kicheko kwenye seneti baada ya kusema ana kiu ya pombe

Aden Duale kwenye picha ya awali. Duale ni mmoja wa wandani wa DP Ruto waliotimuliwa kutoka nyadhifa zao.
Source: UGC

Wafuasi wote wa Ruto waliokuwa wakishikilia nyadhifa bungeni na kwenye seneti walitimuliwa na uongozi wa chama cha Jubilee.

Kwenye bunge la kitaifa, aliyekuwa kiongozi wa wengi Aden Duale pamoja na Kiranja Ben Washiali ni miongoni wa waliotimuliwa.

Aidha wabunge Gladys Shollei, Alice Wahome, Moses Kuria, Kimani Ichung’wa baadhi ya wengine walitimuliwa kutoka nafasi walizokuwa wakishikilia kwenye kamati mbali mbali.

Habari Nyingine: COVID-19: Kenya yaandikisha idadi kubwa ya wagonjwa waliopata nafuu kwa siku moja

Aliyekuwa naibu spika wa Seneti Kindiki Kithure. Kindiki alitimuliwa kutoka wadhifa wake kwa kuwa mwandani wa DP Ruto. Picha: Standard
Source: Facebook

Aliyekuwa naibu spika wa Seneti Kindiki Kithure alitimuliwa kutoka wadhifa wake kwa kuwa mwandani wa DP Ruto.

Wengine walioangukiwa na shoka la Rais Uhuru Kenyatta ni aliyekuwa kiongozi wa wengi Kipchumba Murkomen na kiranja Susan Kihika.

Ni vita vilivyokuwa wazi kuwa vinawalenga wafuasi wa Ruto na siasa zake za urais 2022.

Habari Nyingine: Maneno matamu ya Atwoli kwa mkewe Mary Kilobi siku yake ya kuzaliwa

DP Ruto alisema wengi wanajipata pabaya kwa kuwa marafiki wake. Picha: DP Ruto
Source: Facebook

Ruto, licha ya kuwa kimya walipokuwa wakitimuliwa, hivi maajuzi ameanza kuguruma na kusema wanahangaishwa kwa kuwa marafiki wake.

“Saa muombee hawa viongozi kwa sababu wengi wanahangaishwa, wanaambiwa watatumiwa KRA sijui EACC na makosa ni eti wao ni marafiki wa naibu rais wa Kenya,” alisema DP.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.