Gor Mahia yakumbana na uhaba wa fedha na kushindwa kumlipa kocha

– Gor Mahia kwa sasa hawana mfadhili, hali ambayo imewapelekea kuhangaika kifedha

– Klabu hiyo inasemekana kushindwa kuwalipa wachezaji wake na kamati ya ushauri kwa miezi kadhaa

– Polack ni miongoni mwa wale waliathiriwa huku akifichua kwamba mambo ni magumu

Huku Gor Mahia ikikumbana na changamoto za kifedha, kocha mkuu wa klabu hiyo Steven Polack pia hajasazwa.

Wachezaji wa Gor pamoja na wanakamati wa ushauri wanadaiwa kutopokea mishahara yao kwa miezi kadhaa.

Habari Nyingine: Mchina aliyepatikana na vifaa feki vya kupima coronavirus aanza kukaangwa

Habari Nyingine: Winger wa Harambee Stars, Ayub Timbe asaidia Reading kulima Portsmouth 3-1

Huku wakijaribu kujisitiri bila mfadhili, klabu hicho kimekuwa kikiwategemea mashabiki wake kupitia wakfu wa Augmentin Fund.

Hata hivyo, hatua hiyo haijapunguza mzigo huo huku kocha wa klabu hiyo Steven Polack akifichua kwamba amelazimika kuanza kutumia akiba yake kujikimu.

“Kile natumia kununua chakula na kutimiza mahitaji ya familia yangu ni pesa ambazo nilianza kuweka akiba nikiwa na miaka 35. Mambo ni magumu sasa na wajua hatujakuwa tukipokea mishahara yetu kwa sababu ya kukosa ufadhili,” Polack aliambiaNairobi News.

Habari Nyingine: Mwimbaji maarufu wa miziki ya Benga, Omondi Long Lilo aaga dunia

Polack ni miongoni mwa wale waliathiriwa katika klabu hicho. Picha: Carol Radull.
Source: Twitter

Kulingana na kocha huyo Muingereza, angekuwa anataabika endapo asingelikuwa ameweka akiba kutoka kwa taaluma yake ya ukufunzi.

“Sio kila mtu huweka akiba kwa sababu wakati mwingine kile wanapata wanatumia katika mahitaji yao lakini wacha tujaribu kutenga kitu kidogo. Ninataabika lakini mambo yangekuwa mabaya zaidi endapo singelikuwa na akiba,” aliongezea kocha huyo.

Polack aliteuliwa kocha wa K’Ogalo mnamo Agosti 2019, na kumrithi Hassan Oktay ambaye alijiuzulu.

Kocha huyo mwenye miaka 59, alikuwa kwenye harakati ya kuongoza mabingwa hao wa Ligi Kuu ya Kenya kutwaa taji lao la 19 kabla ya kutangazwa mabingwa katika hali tatanishi.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.