Hofu baada mfanyikazi wa Mediamax kuambukizwa virusi vya corona

– Kampuni hiyo ilithibitisha mfanyikazi huyo anahudumu katika idara ya fedha ambayo iko katika orofa ya tatu ya jengo la kampuni hiyo

– Tayari wafanyikazi wenzake wameelezwa na kuagizwa kujiweka karantini nyumbani

– Wiki jana shirika la Kenya Broadcasting Corporation pia ilitangaza kwamba wafanyikazi wake wawili waliambukizwa virusi vya corona

Wafanyikazi kadhaa wa Mediamax Network Limited wameagizwa kujitenga baada ya mfanyikazi kutoka idara ya fedha kuthibitishwa kuambukizwa Covid-19.

Memo iliyotumwa kwa wafanyikazi wa Mediamax ilifichua kwamba wafanyikazi walioathirika tayari walikuwa wameelezwa na kuagizwa kujitenga nyumbani kwao.

Habari Nyingine: Wauguzi 15 wa hospitali ya Pumwani wanasa COVID-19

Studio ya runinga ya K24 inayomilikiwa na kampuni ya Mediamax. Mfanyikazi mmoja alithibitishwa kuambukizwwa Covid-19.
Source: Depositphotos

“Tungependa kuwajulisha kwamba mfanyikazi kutoka idara ya fedha amethibitishwa kuambukizwa Covid-19 baada ya kuonesha dalili za maradhi hayo. Tayari mfanyikazi huyo huyo ametengwa na anahudumiwa nyumbani kwake,” barua hiyo kutoka kwa Afisa Mkuu Mtendaji Ken Ngaruiya ilisema.

Mnamo Jumatatu Julai, 13, kampuni hiyo ambayo inamiliki runinga ya K24 na kituo cha Milele FM ilifunga afisi zilizoko orofa ya tatu ambazo zinatarajia kupulizwa dawa.

Memo iliyotumiwa wafanyikazi wa Mediamax. Picha: UGC.
Source: UGC

Mnamo Jumatatu Julai, 13, kampuni hiyo ambayo inamiliki runinga ya K24 na kituo cha Milele FM ilifunga afisi zilizoko orofa ya tatu ambazo zinatarajia kuoulizwa dawa.

Ngaruiya aliongeza kuwa moango wa kupunguza wafanyikazi katika afisi hiyo tayari umeanzishwa ili kuthibiti maambukizi ya virusi hivyo hatari.

Aidha alisema kuwa tayari kampuni hiyo imeanza kuwasaka watu wote waliotangamana na mfanyikazi huyo.

Habari Nyingine: Bungoma: Manzi amfurusha lofa waliyetengana

Wiki jana shirika la Kenya Broadcasting Corporation pia ilitangaza kwamba wafanyikazi wake wawili waliambukizwa virusi vya corona.

Mnamo Jumatatu, Julai 13, Waziri wa Afya Mutahi Kagwe alitangaza watu 189 zaidi waliambukizwa Covid-19 huku visa 12 vya maafa vikiripotiw akatika saa 24 zilizopita.

Visa hivyo vipya vilifikisha idadi ya wagonjwa wa marafdhi hayo nchini kutimia 10,294.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.