Huduma za M-Pesa kutatizika kwa saa tano Alhamisi Julai 9 usiku

– Safaricom itakuwa ikiboresha mfumo wake kuanzia 11.59pm Alhamisi, Julai 9 hadi saa kumi na moja asubuhi Ijumaa, Julai 10

– Wateja hawataweza kupokea kutuma, kupokea pesa wala kununua mjazo wakati wa zoezi hilo ambalo litafanyika kwa saa tano

Kampuni ya mawasiliano ya Safaricom imetangaza kuwa huduma za M-Pesa zitatatizika kwa muda Alhamisi, Julai 9 kati ya saa tano na dakika hamsini na tisa usiku na Julai Ijumaa 10 saa kumi na moja asubuhi.

Kwenye taarifa yake iliyochapishwa mitandaoni Safaricom ilisema huduma zote za M-Pesa ikiwemo ununuzi wa mjazo wa simu zitasitishwa kwa ajili ya kuboresha mfumo wake.

Habari Nyingine: Dereva wa teksi apatikana ameaga dunia ndani ya gari

Wateja hawataweza kutuma wala kupokea pesa wakati wa kuboreshwa kwa mfumo huo. Picha: Roberto Muyela/Tuko.co.ke.
Source: Original

“Kwa zaidi ya miaka 13, M-PESA imeendelea kubadilisha maisha ya mamilioni ya watu nchini Kenya, kwa kuwaunganisha na fursa mpya kila siku. Ili kuboresha zaidi mabadiliko haya, tunafanya ukarabati wa mfumo wetu mara kwa mara,” taarifa hiyo ilisema.

Habari Nyingine: Maabara ya hospitali ya Lang’ata yafungwa kwa kufanya vipimo feki vya COVID-19

Huduma zote M-Pesa ikiwemo ununuzi wa mjazo wa simu hazitakuwepo kwa muda huo,” ujumbe kutoka kampuni hiyo ulisema.

Kampuni hiyo aidha ilisema shughuli hiyo imepangwa kufanyika katika muda huo ili wateja wengi wasitatizike katika biashara zao.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.