Jamaa kaunti ya Kakamega apatikana amefariki dunia ndani ya gari

– Wakazi waliogopa kumsaidia na kumkimbiza hospitalini wakihofia alikuwa akiugua COVID-19

– Polisi walipofika eneo alilokuwa ameegesha gari hilo walimkuta tayari akiwa ameaga dunia

– Haya yanajiri takriban wiki moja baada ya jamaa mwingine ambaye ni dereva wa teksi kupatika ameaga dunia ndani ya gari Kiambu

Jamaa mwenye umri wa makamo kutoka Kakamega alipatikana Jumanne, Julai 14 akiwa ameaga duni katika gari la kibinafsi katika soko la Amalemba.

Mmoja wa walioshuhudia kisa hicho alisema kwamba walimpata jamaa akiwa angali hai ijapokuwa alikuwa akipumua kwa umbali walipolifungua gari hilo.

Habari Nyingine: Wajenzi wahepa mjengo baada ya mkuu wa NMS kuingia kijeshi eneo la Parklands

Jamaa apatika ameaga dunia ndani ya gari
Source: Depositphotos

Hata hivyo, walishindwa kumsaidia kwa kuwa hakuwa na maski na walihofia huenda alikuwa akiugua COVID-19 jinsi K24 Digital ilivyoripoti.

“Polisi walipofika eneo alilokuwa baada ya dakika 30 walimkuta tayari amekata roho,” mkazi mwingine alisema.

Inasemekana marehemu alionekana akielekea upande wa Vihiga kutoka Kakamega na alipofika katika soko hilo aliliegesha gari hilo majira ya saa kumi unusu jioni na wala hakusonga tena.

Habari Nyingine: Msichana aliyeozwa kwa waume wawili aokolewa

Mwili wa marehemu ulipelekwa katika makafani ya hospitali ya rufaa ya Kakamega huku uchunguzi wa kilichomuua ukianzishwa.

Mwili wa marehemu ulipelekwa katika makafani ya hospitali ya rufaa ya Kakamega. Picha: The Star.
Source: Depositphotos

Marehemu ametambulika kama mfanyikazi katika afisi ya maonesho ya kilimo ambaye alikuwa akisimamia kuandaa hafla za kila mwaka kaunti ya Kakamega.

Haya yanajiri takriban wiki moja baada ya kisa kingine cha jamaa ambaye ni dereva wa teksi kupatikana akiwa amefariki dunia kaunti ya Kiambu.

Habari Nyingine: Oscar Sudi apokelewa ngome ya Raila Odinga

Ripoti zilisema jamaa huyo alipatikana ameaga dunia nje ya kliniki baada ya kushinda hapo usiku kutwa mabawabu walipokataa kumfungulia lango wakidhani alikuwa mlevi.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.