Kagwe akana madai kuwa amemlipa Burale kujifanya mgonjwa wa COVID- 19

– Waziri Kagwe amesema hamujui wala hajamlipa mhubiri Robert Burale kujifanya anaugua ugonjwa wa corona

– Hii ni baada ya mhubiri huyo kupakia video mitandaoni akiwajuza mashabiki kuhusu hali yake ya kiafya akiwa hospitalini

– Wakenya wengi wametilia shaka iwapo kweli mhubiri huyo anaugua ugonjwa huo

Waziri wa afya Mutahi Kagwe amesema kuwa hamjui mhubiri Robert Burale wala hajamlipa pesa zozote ili ajifanya kuwa anaugua kutokana na maradhi ya ugonjwa wa COVID-19.

Kagwe alikuwa anajibu madai kuwa serikali imemlipa mhubiri huyu ili awadhibithishie Wakenya kuwa ugonjwa huu upo.

Habari Nyingine: Video ya mtangazaji Lilian Muli akinengua kiuno yawafurahisha wengi mitandaoni

Waziri Kagwe akana madai kuwa amemlipa Robert Burale kujifanya mgonjwa wa COVID-19
Source: UGC

Akizungumza akiwa kaunti ya Mombasa Alhamisi, Julai 9, Kagwe alisema anaamini mhubiri huyo ni mgonjwa baada ya kuona video yake akiwa hospitalini ikisambaa mitandaoni.

” Nimesikia kuhusu jamaa anayeitwa Robert Murathe, hata mimi mwenyewe simfahamu, Kagwe alisema ila wanahabari walimsahihisha kuwa anaitwa Burale wala sio Murathe.

” Nashangaa nimesika kwamba Burale amelipwa ili ajifanywe anaugua COVID-19, sielewi ni nini kinachoendelea, kusema ukweli hata simjui huyu jamaa,” Kagwe aliongezea.

Habari Nyingine: Kuna njama inayoendelea kumtafuta mrithi wa Mt Kenya, Kang’ata asema

Waziri Kagwe akana madai kuwa amemlipa Robert Burale kujifanya mgonjwa wa COVID-19
Source: Facebook

Burale aliwajuza mashabiki wake mitandaoni kuhusu hali yake ya kiafya na kuwashauri Wakenya wajitahadhari na ugonjwa huo.

Kwa sasa Burale amelazwa katika hospitali ya Nairobi ambapo anaendelea kupokea matibabu.

Kufikia sasa Kenya imerekodi visa 446 vya maambukizi ya virusi vya COVID-19 kwa muda wa saa 24 zilizopita.

Read: ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke