Kagwe asema atawaanika maafisa wa wizara yake ambao wamedinda kustaafu

– Kagwe aliwavunja mbavu waandishi wa habari wakati alitishia kuwaanika maafisa wakongwe ambao wamekwamilia afisini mwake

– Alisema ni jambo la busara kustaafu pasi na kuvutana wakati umri wako unapotimia

– Haya yanajiri mwezi mmoja baada ya kutokea mvutano katika jumba la Afya wakati maafisa wanne wa Wizara ya Afya walikataa kuhamishwa

– Kagwe alifanya uhamisho huo baada ya ripoti kutokea kuhusu kutoweka kwa mamilioni ya pesa

Waziri wa Afya Mutahi Kagwe aliwachekesha waandishi wa habari wakati akitoa takwimu za COVID-19 Jumanne, Julai 7 baada ya kutishia kuwaanika maafisa ambao wamekataa kustaafu afisini mwake.

Kagwe alikuwa akijibu swali huwahusu maafisa katika wizara yake ambao umri wao wa kustaafu umetimia lakini wangali wamekwama katika nyadhifa zao.

Habari Nyingine: Afisa wa kike aliyempiga mumewe risasi ashtakiwa kwa jaribio la kuua

Waziri wa Afya Mutahi Kagwe alisema ni jambo la busara kustaafu pasi na kuvutana wakati umri wako unapotimia. Picha: Ministry of Health.
Source: UGC

“Hatutaki kumuaibisha yeyote. Kama umehudumia Wizara ya Afya, haijalishi kwa muda upi lakini wakati umri wako wa kustaafu umewadia, tafadhali nenda nyumbani kwa usalama na kwa heshima. Nenda ukawapungie wafanyikazi wenzako kwaheri,” alisema.

Waziri huyo aliwavunja mbavu maafisa wa afya waliokuwepo katika kikao hicho na wanahabari wakati alisema atalazimika kuwapigia simu wajukuu wa maafisa hao.

Habari Nyingine: DP Ruto akutana na viongozi wa makanisa, asema vita vya COVID-19 ni jukumu la kila Mkenya

“Naskia kuna watu ambao wangali afisini. Hivi karibuni nitawatumia ujumbe wajukuu zao. #Kujachukua mama, #Kujachukua baba, #Chukua babu tafadhali,” Kagwe alisema.

Maafisa hao wakuu wanahudumu katika idara mbali mbali na wamefanya kazi katika Wizara ya Afya kwa zaidi ya muongo mmoja.
Source: UGC

Haya yanajiri mwezi mmoja baada ya kutokea mvutano katika jumba la Afya wakati maafisa wanne wa Wizara ya Afya kukataa kuhamishwa na Kagwe.

Maafisa hao wakuu wanahudumu katika idara mbali mbali na wamefanya kazi katika wizara hiyo kwa zaidi ya muongo mmoja.

Habari Nyingine: Rais wa Brazil Jair Bolsonaro amegunduliwa kuwa na virusi vya corona

Kagwe alifanya uhamisho huo baada ya ripoti kutokea kuhusu kutoweka kwa mamilioni ya pesa.

Maswali yaliulizwa kuhusu matumizi ya fedha zilizotengewa wizara hiyo ambazo zilipaswa kutumika katika kupambana na coronavirus.

Wakati wa kikao hicho, waziri huyo alitangaza visa vipya 183 vya coronavirus na kufikisha idadi ya walioambukizwa kutimia 8, 250.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.