Kagwe awaonya waraibu wa miraa dhidi ya kukaribiana ovyo ‘wakichana’

– Kagwe alisema waraibu huonekana kufurahia zaidi wakitafuna miraa wakiwa wamekaribiana

– Lakini aliwatahadharisha akisema utamu bado ni ule ule iwapo watazingatia kutotangamana kwa karibu

Waraibu wa kutafuna miraa wamekuwa wakihatarisha maisha yao kwa kupuuza agizo la kutotangamana, Waziri Mutahi Kagwe alisema.

Waziri Kagwe alisema waraibu hao huonekana kufurahia zaidi stimu za mmea huo wakiwa wamekaribiana wakipiga gumzo.

Habari Nyingine: Oscar Sudi miongoni mwa wabunge bubu bungeni na habari zingine zilizovuma

Waziri Kagwe alisema waraibu wa miraa wanahatarisha maisha yao kwa kutafuna miraa wakitangamana kwa karibu. Picha: MoH.
Source: Facebook

“Lakini mnapaswa kufahamu bado utamu ni ule ule tu hata mkichonga kama mmeketi mbali mbali,” Kagwe alisema.

Kagwe aliyasema haya Alhamisi, Julai 9 akiwa katika hospitali ya rufaa ya Coast General baada ya kuzuru na kukagua vituo vya afya mjini Mombasa.

Kufikia Alhamisi mchana, Mombasa ilikuwa imerekodi idadi ya visa 1,663 vya Covid-19 kutokana na sampuli 24,000 zilizopimwa.

Habari Nyingine: Kioja ndugu kutandikania mke wa mtu

Wagonjwa wengine 733 waliripotiwa kupata nafuu huku vifo 56 zaidi vinavyotokana na virusi hatari vya corona vikirekodiwa.

Picha ya miraa.
Source: Facebook

Idadi ya wagonjwa 811 wa Covid-19 kutoka Mombasa wamelazwa hospitalini huku wengine 335 wakihudumiwa kutoka nyumbani.

Hata hivyo Naibu Gavana William Kingi alisema licha ya kwamba Mombasa iko katika hatari zaidi ya kuenea kwa virusi hivyo, maambukizi yamekuwa yakipungua kwa siku za hivi karibuni.

Habari Nyingine: Mtangazaji Jane Ngoiri asherehekea siku ya kuzaliwa ya mwanawe

“Hii ni kutokana na mikakati ambayo tumeweka na kwamba wakazi wamekuwa wakiyatilia maanani,” Kingi alidokeza.

Kagwe alitoa heko kwa uongozi wajimbo hilo akisema ni mojawapo ya kaunti ambazo zimejitayarisha vilivyo katika kupambana na janga hilo ambalo limetikisa ulimwengu mzima.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.