Kang’ata amtaka Rais Uhuru kumteua Peter Kenneth kuwa waziri

– Viongozi wa Murang’a wanataka Kenneth apewe wadhifa wa uwaziri ili kuchapa kazi serikalini

– Wadadisi wanasema hiyo ni mbinu ya kumpa ngazi kupanda kisiasa tayari kurithi eneo la Mt Kenya baada ya Uhuru kuondoka

– Wachanganuzi wamekuwa wakimuona kama mmoja wa wale ambao wanaweza kuchukua usukani wa eneo hilo kisiasa

Baadhi ya viongozi kutoka Mt Kenya wamemtaka Rais Uhuru Kenyatta kumpa aliyekuwa mbunge wa Gatanga Peter Kenneth wadhifa wa uwaziri.

Wakiongozwa na kiranja wa wengi kwenye Seneti Irungu Kang’ata, viongozi hao Jumamosi, Julai 18, walisema Kenneth ni mchapa kazi na atasaidia Rais kufunga kipindi chake kwa kazi nzuri.

Habari Nyingine: Picha tamu za Papa Shirandula alipovuma katika kipindi

Viongozi wa Murang’a wanamtaka Rais Uhuru Kenyatta kumteua Peter Kenneth kwenye baraza la mawaziri. Picha: Nation
Source: UGC

“Kama Rais anapanga kufanya mageuzi kwenye baraza la mawaziri, basi ampe kazi Peter Kenneth. Tuko nyuma ya Kenneth kwa sababu tunajua atachapa kazi,” alisema Kang’ata.

Habari Nyingine: Waziri wa zamani John Cheruiyot, ahukumiwa miezi 3 gerezani kwa kushindwa kulipa deni

Kiranja wa Seneti Irungu Kang’ata alisema wanataka Rais Uhuru Kenyatta kumteua Peter Kenneth kwenye baraza la mawaziri. Picha: Nation
Source: UGC

“Kenneth ni kiongozi aliyesifika eneo la kati na Magharibi humu nchini. Ni mtu tunamuunga mkono sana,” alisema Mbunge wa Wamaua.

Kenneth hivi maajuzi amekuwa akifanya mikutano na baadhi ya wanasiasa kutoka eneo la Mlima Kenya.

Habari Nyingine: Polisi wasambaratisha mkutano wa Tangatanga Vihiga

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.