Kingozi wa upinzani Tanzania kurejea nchini humo kwa kishindo

Kiongozi wa upinzani nchini Tanzania Tundu Lissu ametangaza kuwa anatarajia kurejea nchini humo Julai 28, baada ya kuishi ughaibuni kwa zaidi ya miaka 3

Lissu amekuwa akipokea matibabu ughaibuni baada ya kupigwa risasi mara kadhaa na watu wasiojulikana mwaka wa 2017.

Habari Nyingine: Mlinzi wa Kalonzo Musyoka avamiwa na genge la majambazi na kuporwa bunduki yake

Mwanasiasa huyo ametangaza azma yaka ya kuwania urais kupitia chama chake cha Chadema katika uchaguzi mkuu wa Oktoba mwaka huu.

Lissu alisema hana sababu ya kuzuiliwa kurejea Tanzania kama inavyodaiwa na baadhi ya viongozi kwani yeye ana uhakika kwamba anarudi nyumbani.

Akizungumza kwenye mkutano ulioandaliwa mitandaoni, Lissu alisema tayari ashakata tiketi ya ndege na wafuasi wake wanapaswa kuwa tayari kumpokea.

Habari Nyingine: Crystal Palace vs Chelsea: Blues yapiga Palace 3-2 na kupanda hadi nafasi ya tatu

Lissu alisema wahalifu waliojaribu kumuua bado hawajakamatwa na anaamini serikali ya sasa ilihusika katika njama ya kutaka auawe.

”Hivyo ninarejea nyumbani kuikabili serikali iliyosema kuwa haina hatia katika tukio hilo la jaribio la kuniua, kunizuia kutadhihirishia dunia kuwa ilihusika na shambulio la mwaka 2017 kama nilivyosema sina sababu ya kuamini kuwa nitazuiwa kurejea nyumbani”.Lissu alisema.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zidi kutoka TUKO.coke.