Kipusa akausha barobaro na kumwacha mataani kwenye lojing’i.

Kijogoo kutoka eneo la Southlands mtaani Lang’ata alibaki amepandwa na mori kisura aliyemnunulia nguo maridadi na kumfanyia ‘shopping’ kudinda kumpakulia asali.

Semasema zinaarifu kwamba lofa ambaye ni mhudumu wa bobaboda amekuwa akimmezea mate dada huyo kwa siku nyingi ila mrembo alimhepa kila alipomwona.

Habari Nyingine: Jamaa apatikana ameaga dunia ndani ya gari

Taifa Leo iliriopoti kwamba kidosho alisema kuwa hangekubali mtu wa kupeleka ‘nduthi’ na ndiposa alikuwa akimpiga chenga mara kwa mara.

Umbea wa mtaani hata hivyo unasema jamaa aliomba gari ambalo alikuwa akijipitisha nalo kwa demu ndiposa aone kuwa amepanda ngazi.

Inasemekana mpango wa jamaa ulifaulu kwani baada ya wiki moja tayari kidosho alikuwa ashaingia boksi.

Habari Nyingine: Msichana aliyeozwa kwa waume wawili aokolewa

Mdaku alisema jamaa alimuwahi demu akampeleka mjini kumnunulia nguo, bidhaa za nyumbani kando na vipodozi ili kuvutia penzi.

Tangu siku hiyo barobaro alijipa mamlaka na akaanza kumpigia simu za mara kwa mara mrembo akimuomba amueonjeshe asali kwa siku hata moja.

Taarifa zinasema kuwa siku ya kisanga lofa alitafuta gesti n ahata kuilipia baada ya demu kumhadaa kuwa amekubali atamlisha mahaba usiku kucha.

Habari Nyingine: Gavana Joho alitumia KSh 30M kuenda kumuona Baba, adai Kiamani Ngunjiri

Hata hivyo, demu hakutokea jinsi walivyokubaliana na jamaa akabaki kwenye kijibaridi akipiga simu ambazo hazikujibiwa huku akikodolea macho hasara kubwa aliyokadiria.

Siku iliyofuata aliamua kwenda kwa kidosho lakini alionacha mtema kuni kwani alifurushwa na vijana wa mtaani ambao demu aliwalipa.

“Hizi bidhaa za shilingi mbili ndizo unanidanganya kuwa zitanishawishi kulala na wewe? Shika adabu zako na utokomee mimi sio kiruka njia,” mrembo alimuonya.

Duru za mtaani humo zinasema jamaa ambaye alikuwa na hasira alijaribu kumtandika demu lakini alizuiwa na vijana waliotishia kumharibu sura.

Ilibidi barobaro aondoke akiwa amefyata mdomo baada ya kuonywa kuwa vijana hao wangemnyorosha bibaya iwapo hangeondoka mtaani

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.