Landilady ashtakiwa kwa kuvunja mlango wa mpangaji, kumuibia mali yake

– Matilda Njoki alikabiliwa na tuhuma za kuvunja mlango wa mpangaji wake na kuiba mali yake kutokana na deni la kodi

– Alikana mashtaka na kuiambia mahakama kwamba mpangaji wake, George Wambugu alimwachia funguo za nyumba yake

– Alisema Wambugu alikosa kulipa deni la KSh 25,000 licha ya kuahidi kufanya hivyo

Landilady kutoka mtaa wa Zimmerman, Nairobi amejikuta pabaya kwa madai ya kuvunja mlango wa mpangaji na kumuibia bidhaa zenye thamani ya KSh 153,000 kwa kukosa kulipa kodi.

Matilda Njoki Ndungu alidaiwa kuvunja mlango wa George Wambugu mnamo Julai 12 akishirikiana na wenzake ambao hawakuwa mhakamani Jumatano, Julai 15.

Habari Nyingine: Sonko awatahadharisha Wakenya baada ya afisa wa kaunti kufariki kutokana na COVID-19

Matilda Njoki Ndungu alipowasili mahakamani Jumatano, Julai 15. Picha: Daily Nation.
Source: UGC

Mbele ya hakimu Heston Nyaga katika mahakama ya Makadara, Njoki alikana mashtaka na kusema Wambugu alimwachia ufunguo wa nyumba kulingana na Daily Nation.

Njoki aliiambia mahakama Wambugu alikuwa na deni lake la KSh 25,000 la kodi ya nyumba na alikuwa ametoweka kwa siku kadhaa kusaka pesa ila aliporudi alikuwa na KSh 2,000.

Alisema mlalamishi alimlimbikizia uongo ndiposa ahepe kulipa deni hilo.

Kwingineko Njoki alikabiliwa na tuhuma za kumuibia mmoja wa marafiki zake simu ya KSh 30,000.

Habari Nyingine: Naibu Chifu, polisi watoweka baada ya kudaiwa kumbaka msichana wa kidato cha 3

Anasemekana alishirikiana na mshukiwa mwingine ambaye angali mafichioni kuiba simu yake Michael Kitondo mnamo Julai 11.

Mshukiwa aliiambia mahakama rafiki yake huyo aliamua kusema uongo baada yake kukataa kuhusiana naye kimapenzi.

Matilda alishtakiwa katika mahakama ya Makadara. Picha: The Standard.
Source: Facebook

Njoki aliachiliwa kwa dhamana KSh 70,000 huku kesi hiyo ikipangwa kusikizwa Oktoba 1, 2020.

Habari Nyinigine: Sonko awatahadharisha Wakenya baada ya afisa wa kaunti kufariki kutokana na COVID-19

Mizozo baina ya wamiliki wa nyumba na wapangaji imekithiri kwa siku za hivi karibuni kutokana na janga la COVID-19 ambalo limewaathiri Wakenya wengi.

Baadhi ya wamiliki wa nyumba wamewadhulumu wapangaji wao kwa kung’oa milango na hata mabati yao kutokana na deni la kodi.

Haya yanajiri licha ya Chama cha Wamiliki wa Nyumba na Wapangaji kuwaagiza wapangaji kutolipa nyumba kutokana na athari za COVID-19.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.