Madaktari wa Cuba kuwasili kusaidia Kenya kupambana na janga

– Madakatri 20 kutoka Cuba watawasili humu nchini Alhamsii, Julai 23 kusaidia kupigana na coronavirus

– Watakuwa wanatoa huduma zao katika hospitali ya Chuo Kikuu cha Kenyatta

– Waziri Kagwe alisema mpango huo uliafikiwa baada ya Rais Uhuru kumpigia simu mwenzake wa Cuba

Serikali imewaajiri madaktari 20 kutoka Cuban ambao watasaidia kupigana na maradhi ya Covid-19 humu nchini.

Waziri wa Afya Mutahi Kagwe alitangaza hayo Ijumaa, Julai 17 alipokuwa akihutubia wanahabari kuwa janga hilo.

Habari Nyingine: Mtoto wa miezi 5 miongoni mwa wagonjwa 389 wapya wa COVID-19

Waziri Mutahi Kagwe. Kagwe alisema serikali imewaajiri madaktari 20 kutoka Cuba kwa ajili ya Covid-19. Picha: MoH
Source: Facebook

Kagwe alisema uamuzi huo umeafikiwa ili sekta ya afya ipate wataalamu wakati ambapo maradhi hayo yanaonekana kuongezeka humu nchini.

Kagwe alisema madaktari hao watafika humu nchini Alhamisi, Julai 23 na kupelekwa katika hospitali ya Chuo Kikuu cha Kenyatta.

“Madaktari hao watafanya kazi na wale wetu ili kubadilishana ujuzi. Kuanzia 2018, tumekuwa tukifanya kazi na serikali ya Cuba na ushirikiano huo umewezesha madaktari wetu kupata mafunzo Cuba,” alisema Kagwe.

Habari Nyingine: Jumbe za Jowie zinazoashiria amemrudia Mungu

Waziri Mutahi Kagwe alisema madaktari kutoka Cuba watawasili humu nchini kusaidia kukabili Covid-19
Source: Facebook

Kagwe alisema kikosi kitakachowasili ni cha madaktari spesheli na jukumu kubwa litakuwa kukabili coronavirus.

“Huku visa vya Covid-19 vikiongezeka, hawamdaktari spesheli watasaidia pakubwa madaktari wetu,” aliongeza

Waziri alifichua Rais Uhuru Kenyatta alimpigia simu mwenzake wa Cuba Miguel Díaz-Canel na ndipo wakaafikiana kuhusu mpango huo.

Habari Nyingine: Afisa wa polisi apatwa akifanya mapenzi na mgonjwa wa coronavirus

Waziri Mutahi Kagwe alisema Rais Uhuru Kenyatta alimpigia simu mwenzake wa Cuba na kukubaliana kuhusu ushirikiano katika sekta ya Afya. Picha: State House
Source: Twitter

Visa vya maambukizi ya coronavirus vinazidi kuongezeka na Ijumaa vilifikia 12,062 baada ya watu 389 kupatwa na virusi hivyo.

Aidha watu watano waliripotiwa kufariki na kufikisha idadi ya walioangamia kuwa 222.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.