Mahakama yaagiza Echesa apokezwe bunduki na gari lake kutoka kwa DCI

– Mahakama imesema hakuna sababu yoyote kwa DCI kuendelea kuzuilia gari na bunduki ya Echesa

– DPP alikuwa amepeleka ombi kwa Mahakama ya Juu akitaka uamuzi wa hakimu kubadilishwa lakini Jaji Kimaru akadinda

– Makachero waliondoka na vitu hivyo baada ya kupiga oparesheni kwa Echesa Februari mwaka huu

Makachero wa DCI wametakiwa kumrudishia aliyekuwa waziri wa Spoti Rashid Echesa bunduki yake na gari aina ya Range Rover.

Jaji Luka Kimaru ametupilia ombi la kiongozi wa mashtaka ya umma (DPP) kutaka kuendelea kuzuilia vitu hivyo.

Habari Nyingine: Maisha yabadilika kwa aliyekuwa dereva wa Kidero, sasa anauza avocado

Aliyekuwa waziri wa Michezo Rashid Echesa. Mahakama imeagiza DCI kuwachilia bunduki na gari la Echesa. Picha: Nation
Source: UGC

DPP walikuwa wamefika kwenye Mahakama ya Juu wakitaka uamuzi wa kutoa mali hiyo kwa Echesa uliokuwa umefanywa na mahakama ya chini Juni 4 kugeuzwa.

Hata hivyo, jaji Kimaru alisema hakuna sababu yoyote ya DPP kutaka kuendelea kuzuilia mali hiyo.

Habari Nyingine: Ngome ya kisiasa ya Rais Uhuru Kenyatta yaendelea kupasuka

Rashid Echesa alidaiwa kuwa kwenye sakata ya utoaji wa tenda feki kwa wawakezaji kutoka nje. Picha: DCI
Source: Facebook

Polisi walitwaa magari ya Echesa pamoja na bunduki mwezi Februari mwaka huu baada ya kufanya oparesheni nyumbani kwake mtaani Karen.

Echesa amekuwa akihusishwa na sakata mbali mbali ikiwamo ile ya tenda feki ya silaha za kijeshi iliyohusisha afisi ya Naibu Rais William Ruto.

Habari Nyingine: Ijumaa Julai 10: Watu 473 zaidi wapatwa na coronavirus

Aliyekuwa mkuu wa usalama katika afisi ya DP Ruto Kipyegon Kenei. Picha: Kenei
Source: Facebook

Kwenye sakata hiyo, Echesa alidaiwa kuwahadaa wawekezaji kutoka ughaibuni kuwa anaweza kuwasaidia kupata tenda ya kuwasilisha silaha kwa idara ya jeshi.

Kanda za video zilizotolewa na Echesa zilionyesha akizuru jumba la Harambee ambapo afisi ya DP Ruto huwa.

Ni sakata ambayo mkuu wa DCI George Kinoti alisema ilisababisha kuuawa kwa aliyekuwa afisa wa usalama katika afisi ya DP Kipyegon Kenei.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.