Makanga ashtakiwa kwa kumshika titi afisa wa polisi wa kike

– Samuel Mburu alimrai afisa huyo aabiri gari lake lakini alidinda na kuingia gari lingine

– Makanga huyo alipandwa na hasira na akaanza kumdhulumu

– Afisa huyo alipiga ripoti na ndiposa mshukiwa akakamatwa siku tatu baadaye

Makanga anayehudumu katika barabara ya Uthiru- Nairobi ameshtakiwa kwa dhuluma baada ya kumgusa titi afisa wa polisi.

Hakimu mkaazi wa mahakama ya Kibra Renee Kitagwa aliarifiwa kwamba mwathiriwa alipanda matatu katika kituo cha Uthiru mnamo Julai 3 wakati Samuel Mburu alimdhulumu.

Habari Nyingine: COVID-19: Watalii watakaoingia nchini hawatalazimika kujiweka karantini

Samuel Mburu aliachiliwa kwa dhamana baada ya kumdhulumu afisa wa polisi wa kike. Picha: The Standard.
Source: UGC

Mahakama iliarifiwa kuwa kulikuwepo na mzozano kati ya wawili hao baada ya Mburu kumrai afisa huyo kupanda gari lake lakini aliamua kuabiri matatu nyingine.

Mwathiriwa alisema makanga huyo aliingiwa na hasira na ndiposa akamshika titi lake na kuanza kumdhulumu hadharani.

Habari Nyingine: Manzi apigia jamaa magoti amuoe

Afisa huyo alipiga ripoti na ndiposa mshukiwa akakamatwa siku tatu baadaye katika kituo ambacho kisa hicho kilitokea.

Mshukiwa alijitetea na kudai afisa huyo alishambuliwa na polisi huyo na ndiposa akamdhulumu kwa hasira.

Licha ya kwamba alikana kuhusika katika kosa lolote atashtakiwa kulingana na kifungu cha 11 cha makosa ya dhuluma dhidi ya mapenzi.

Mahakama ilimwachilia kwa dhamana ya KSh 200,000 au pesa taslimu KSh 100,000 akisubiri kusikizwa na kisha hukumu kutolewa.

Kesi hiyo itasikizwa tena Julai 16.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.