Mama aliyemuuza mwanawe kwa KSh14,000 anaswa na polisi Kisii

-Mama yake mshukiwa alikuwa ameripoti kwa polisi kuhusu kutoweka kwa mjukuu wake eneo la Elementaita

– Mama huyo anadaiwa kumuuzia mama mwingine mtoto wake wa miaka saba kwa KSh14,000 eneo la Kisii

– Bado haijabainika bayana chanzo cha Kemunto kuamua kumlangua mwanawe.

Mama mmoja aliyeshutumiwa kwa kumuuzia mama mwingine eneo la Kisii mtoto wake wa kiume mwenye miaka saba kwa KSh14,000, amekamatwa.

Irene Kemunto,ambaye ndiye mama mzazi wa mtoto huyo aliyelanguliwa kutoka Elementaita, Kaunti ya Nakuru, alikamatwa eneo la Nyansiongo pamoja na mama mwingine aliyetambuliwa kama Ziporah Nyabate.

Habari Nyingine: Mkenya anayeishi Marekani aaga dunia baada ya gari lake kuanguka ndani ya mtaro

Mama huyo anadaiwa kumuuzia mama mwingine mtoto wake kwa KSh14,000 eneo Kisii.Picha: UGC.
Source: UGC

Habari Nyingine: Wanawake 2 wapigania mwili wa askofu tajiri aliyeaga dunia 2019

Nyabate anadaiwa kumnunua mtoto huyo kwa KSh13,800 na alikamatwa nyumbani kwake mjini Kisii ambapo mtoto huyo alipatikana, kama ilivyoripoti gazeti la The Standard.

Kulingana na Kamishna wa Polisi Kaunti ya Nyamira, Amos Mariba, mama yake Kemunto alikuwa amepiga ripoti kuhusu kutoweka kwa mjukuu wake katika Kituo cha Polisi cha Elementaita mnamo Alhamisi, Juni 18.

Wawili hao walikamatwa eneo la Nyansiongo, Kisii. Picha: UGC.
Source: UGC

Habari Nyingine: Kiongozi wa Upinzani Tanzania, Zitto Kabwe akamatwa kwa kuandaa mkutano haramu

Wakati wa kukamatwa kwake, Nyabate aliwaambia maafisa wa polisi kwamba alimchukua mtoto huyo kihalali.

Lakini bado haijabainika bayana chanzo cha Kemunto kuamua kumlangua mwanawe.

Polisi bado wanachunguza kisa hicho kabla ya kuwafikisha mahakamani huku wakizuiliwa katika kituo cha polisi.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.