Mama auawa baada ya kupigwa na umeme akifungua friji eneo la Nyando.

-Maureen Atieno alipigwa na stima wakati alikuwa anafungua jokovu hilo nyumbani kwake

-Baba mkwe wa Atieno alieleza kuwa tukio hilo lilitokea wakati marehemu alikuwa amekuenda kuchukua samaki wa kupeleka sokoni

– Wakati alifikia friji hiyo, tochi ya mlango wake ulimpiga papo hapo na kisha Atieno alianza kupiga kamsa kabla ya kuanguka sakafuni

-Kifo chake kinakujia miezi sita baada ya marehemu mume wake kuawa kinyama eneo la Busia

Mama mmoja amepoteza maisha yake katika eneo la Nyando baada ya kupigwa na umeme akifungua friji

Maureen Atieno alipigwa na stima wakati alikuwa anafungua jokovu hilo nyumbani kwake mtaani Kakola, Kaunti Ndogo ya Nyando.

Habari Nyingine: Huzuni kufuatia mtoto kudondoka kutoka orofa ya tatu na kuaga dunia

Maureen Atieno alipigwa na stima wakati alikuwa anafungua jokovu hilo nyumbani kwake. Picha: The Standard.
Source: UGC

Habari Nyingine: Visa vya COVID-19 vimefika 10,000 baada ya watu wengine 379 kupatwa na virusi

Akithibitisha kisa hicho, Kamanda Mkuu wa Polisi wa Nyando, Leonard Matete alieleza kuwa walifahamishwa na baba mkwe wa Atieno kuhusu tukio hilo ambalo lilitokea wakati marehemu alikuwa amekuenda kuchukua samaki wa kupeleka sokoni.

Matete alieleza kuwa wakati alifikia friji hiyo, tochi ya mlango wake ulimpiga papo hapo na kisha Atieno alianza kupiga kamsa kabla ya kuanguka sakafuni, kama ilivyoripoti The Standard.

Atieno alipigwa na tochi ya mlango wa friji. Pich:IKEA.
Source: UGC

Habari Nyingine: Tottenham vs Arsenal: Spurs yaipa Gunners kichapo cha 2-1 nyumbani

Atieno aliaga dunia alipokuwa akikimbizwa katika Hospitali ya Boya na baadaye mwili wake kupelekwa katika makafani ya Hospitali ya Kaunti Ndogo ya Ahero.

Matete alitaja tukio hilo kama lisilokuwa la kawaida na kuitaka Kampuni ya Kusambaza Umeme Nchini iwasaidie katika uchunguzi kuhusu suala hilo.

Kifo chake kinakujia miezi sita baada ya marehemu mume wake William Omondi almaarufu Sisqo, kuaga dunia mnamo Novemba 2019 katika mauaji ya kinyama eneo laBusia.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.