Mama mwenye ghadhabu atoweka na pikipiki ya mumewe

Lofa kutoka Kithimani, kaunti ya Machakos ameachwa na majuto makuu baada ya mpenziwe kutoweka na pikipiki yake muda mfupi baada yao kukorofishana.

Semasema za mtaani zinaarifu kwamba mrembo alikuwa akimsihi jamaa waandamane kuwatembelea wazazi wake lakini lofa alijitia hamnazo.

Habari Nyingine: Mabarobaro walimania shuga mami

Picha ya mhudumu wa boda akiwa amembeba mteja. Picha: UGC.
Source: UGC

Siku ya kioja, demu alisikika akimkaripia jamaa kwa kukataa kwenda naye kuwatembelea wazazi.

“Kwa nini hupendi kwenda kuwatembelea wazazi wangu au walikukosea? Kama umekataa kwenda kuwatembelea nitajipeleka mwenyewe. Naomba unipatie nauli,” mama alimwambia jamaa.

Habari Nyingine: COVID-19: Matiang’i, Kagwe waunda timu itakayotoa mwelekeo wa kufungua maeneo ya ibada

Duru zinaarifu kwamba baada ya wawili bao kukorofishana jamaa aliondoka, akaenda mtaani kujiliwaza na wenzake huku akiacha pikipiki yake nyumbani.

Bila kupoteza muda, mama aliyekuwa na hasira akaingurumisha pikipiki ya mumewe na kuhepa nayo.

Jamaa aliporejea nyumbani majira ya jioni alipatwa na mshtuko kumkosa mkewe na piki piki yake ambayo aliitumia kwa kazi zake.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.