Mke agutusha wazee kuwafichulia mume amemnyima asali kwa miaka 9

Wazee wa kijiji katika eneo la Mirera, Naivasha waliachwa wakijikuna vichwa baada ya kipusa kuwaeleza kuwa mumewe amekuwa akimhepa kitandani kwa miaka tisa.

Inasemekana wakwe wa kipusa waliapa kumrejesha kwa wazazi wake kwa kukosa kumzalia kijana wao mtoto lakini waliachwa vinywa wazi walipogundua ni mwanao alikuwa akimkausha mke asali kwa miaka tisa.

Habari Nyingine: Nakuru: Wasiwasi baada ya visa 18 vya coronavirus katika shule ya kifahari ya St Andrew Turi

Picha ya wapenzi wakiwa wamenuna kitandani. Picha: Getty Images.
Source: UGC

Kulingana na Taifa Leo, demu alikuwa amejaliwa mtoto kabla ya kufunga ndoa na jamaa lakini alishangaza alipokosa kuonyesha matunda ya ndoa kwa miaka tisa na ndiposa wakwe zake wakaanza kumlaumu.

Hata hivyo, kipusa aliamua kuwafungukia wazee waliokuwa wamemuandalia kikao wakitaka kujua sababu yake kuwanyima wakwe zake wajukuu.

Dada aliwaambia wazee jinsi jamaa alivyokuwa akilala kwenye sofa kila usiku na kumwacha kitandani pekee yake akisema hataki kusmbuliwa.

Habari Nyingine: Daktari Mkenya afariki dunia kutokana na COVID-19

“Nimezoea kuishi kama binti asiyejuwa na mume kwa sababu kijana wenu alikataa katakata kunipa haki ya ndoa. Yeye hudai cha muhimu ni kunipa mali na kulea binti yangu. Nimekuwa nikivumilia tu kwa sababu sikutaka kumuaibisha,” mama alifunguka.

Inasemekana maneno ya mama yaliwaacha wazee midomo wazi huku juhudi zao za kumtaka lofa kujieleza kuhusiana na madai hayo zikigonga mwamba.

“Kama mke hajalalamika sioni haja ya mtu kuingilia maisha yetu. Wanaodai wanataka wajukuu watosheke na huyu binti mmoja ambaye tumejaaliwa. Hayo mengine mtuachie tutasuluhisha,” jamaa aliwaambia wazee.

Habari Nyingine: Watu 80 wa familia moja waingia karantini baada ya jamaa wao kunasa COVID-19

Baada ya kusema hayo, jamaa aliondoka na kuwaacha nyuma waliokuwa kikaoni pasi na kuaga kwaheri.

Duru zinaarifu kuwa mkutano huo uliisha bila suluhu yeyote huku wazee wenye hamaki wakiapa kumchukulia jamaa hatua kali kwa kuwaonesha dharau.

Semasema zilizunguka mtaani kwamba lofa alikuwa na tatizo la uzazi huku baadhi ya wenyeji wakisema alitorokwa na vipusa wengi kabla ya kupata mke.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.