Mlinzi wa Gavana Hassan Joho apatikana na virusi vya COVID-19

– Mlinzi huyo alikuwa aandamane na gavana Joho kwenda Dubai kumtembelea Raila Odinga hospitalini ila alizuiwa baada ya kupatikana na virusi vya COVID-19

– Walinzi wengine wanne wa Joho wamewekwa karantini ya lazima baada ya mmoja wao kupatikana na virusi hivyo

– Hata hivyo, haijabainika iwapo gavana Joho pia amekutwa na virusi hivyo kwani alitangamana na walinzi hao

– Imeripotiwa kuwa Joho hufanyiwa vipimo vya COVID-19 kila baada ya wiki moja

Mmoja wa walinzi wa Gavana wa Mombasa Hassan Joho ameripotiwa kupatikana na virusi vya COVID-19.

Kwa mujibu wa taarifa za K24, mlinzi huyo anasemekana kukutwa na virusi hivyo akiwa jijini Nairobi ambapo alikuwa ameagizwa kumsubiri gavana Joho ili waandamane naye kumtembelea Raila Odinga nchini Dubai.

Habari Nyingine: Wafanyabiashara wa Soko la Gikomba waamka kupata vibanda vyao vimebomolewa

Gavana Ai Hassan Joho (kulia) akiwa na Munge wa Suna Mashariki Junet Mhammed. Picha: Ali Hassan Joho
Source: Facebook

Mlinzi huyo alizuiwa kusafiri baada ya matokeo yake kuonyesha kuwa alikuwa amekutwa na virusi hivyo.

Raila alilazwa katika hospitali moja nchini Dubai kwa muda wa wiki tatu ambapo alifanyiwa upasuaji kwenye mgongo wake.

Mlinzi huyo na wenzake wanne wanaofanya kazi pamoja wamewekwa karantini ya lazima katika hoteli ya Mombasa Beach Hotel.

Hata hivyo, haijabainika iwapo gavana Joho pia amekutwa na virusi hivyo ikizaingatiwa alitangamana na mgonjwa huyo.

Habari Nyingine: Mutahi Ngunyi asema Mt Kenya iliamua kumshabikia DP Ruto ili ajiangamize kisiasa

Gavana wa Mombasa Ali Hassan Joho katika picha ya zamani. Mlinzi wake mmoja ameripotiwa kuwa na virusi vya corona. Picha: Hassan Joho
Source: UGC

Taarifa za kuaminika zilisema kuwa, Joho hufanyiwa vipimo vya COVID-19 kila baada ya wiki mbili.

Aidha, imesemekana kuwa mgonjwa huyo hakuonyesha dalili zozote za COVID-19 lakini alipopimwa, alipatikana na virusi hivyo.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke