Mnataka kurithi baba akiwa hai, Kang’ata amwambia Peter Kenneth

– Mkutano wa Peter Kenneth na kundi lake ulimkera Seneta Kang’ata akisema ulikuwa ukipanga kutwaa uongozi wa Rais Uhuru katika jamii ya Mlima Kenya

– Amekashifu kundi hilo na kulinganisha hatua yao na watoto wakorofi wanaotaka kumrithi baba akiwa hai

– Hata hivyo kundi hilo lilisema kikao chao kilikuwa cha kutoa shukrani kwa Rais kwa kuwapa wadhifa wa kiongozi wa wengi

Kiranja wa wengi katika Seneti Irung’u Kang’ata amekashifu viongopzi ambao walifanya mkutano katika mkahawa wa Panafric Jumatano, Juni 8 kujadili siasa za Mt Kenya.

Mkutano huo uliongozwa na Peter Kenneth na kujumuisha magavana kadhaa kutoka Mlima Kenya, maseneta, Spika wa Bunge Justin Muturi na kiongozi wa wengi Amos Kimunya.

Habari Nyingine: Peter Kenneth afanya mkutano na magavana wa Mlima Kenya

Kiranja wa wengi Irung’u Kang’ata. Kang’ata alisema hakuna mtu atafaulu kumtwaa Rais Uhuru Kenyatta kama kigogo wa Mt Kenya. Picha: Citizen
Source: UGC

Kang’ata alisema Rais Uhuru Kenyatta atasalia kuwa kigogo wa Mt Kenya na ni makosa kwa yeyote kuketi kupanga njama ya kuchukua usukani wa Mlima Kenya kisiasa.

Akizungumzia mkutano huo wa Panafric, Kang’ata alitumia mafumbo ya jamii ya Kikuyu kupuuza kundi hilo la Panafric.

“Hakuna mkutano katika mkahawa au ukumbi wowote ambao utapanga njama ya kuchukua nafasi ya kigogo wetu wa Mt Kenya,” alisema Kang’ata.

Habari Nyingine: Peter Kenneth afanya mkutano na magavana wa Mlima Kenya

Kundi la viongozi kutoka Mt Kenya ambao walifanya mkutano kwenye mkahawa mmoja jijini Nairobi. Picha: Amos Kimunya
Source: Facebook

“Mundu ndagayagwo e muoyo! Mtu huwa harithiwi akiwa hai,”Kang’ata alisema kuhusu mkutano huo wa Kenneth.

Viongozi waliohudhuria mkutano huo ni magavana Kiraitu Murungi wa Meru , Ndiritu Muriithi wa Laikipia, na Lee Kinyanjui wa Nakuru.

Wengine ni seneta wa Kirinyaga Charles Kibiru na gavana wa Tharaka Nithi Muthomi Njuki.

Habari Nyingine: Waziri Mkuu wa Ivory Coast, Amadou Gon Coulibaly aaga dunia

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.