Mpangaji mtaani Kawangware azua kisanga kuhepa na mke wa ‘caretaker’

Wapangaji wa ploti moja mtaani Kawangware walipigwa na butwaa baada ya jamaa kutoweka na mke wa ‘caretaker’.

Duru za mtaani zinasema lofa alikuwa amepangisha chumba kimoja katika ploti ambayo mume wa kidosho alikuwa akisimamia.

Habari Nyingine: Wafanyikazi 41 zaidi wa hospitali ya Pumwani waambukizwa COVID-19

Nyumba za kupangisha. Mpangaji mtaani Kawangware azua kioja kuhepa na mke wa ‘caretaker’. Picha: UGC.
Source: UGC

Kulingana na Taifa Leo, kijogoo alikuwa katika uhusiano wa kimapenzi kisiri na kidosho huyo ijapokuwa baadhi ya wapangaji walishuku na hata kumnong’onezea mumewe.

Hata hivyo siku ya kisanga ‘caretaker’ huyo alikuwa ameenda kudai kodi kutoka kwa wapangaji waliokuwa wakiishi nyumba zingine za mwajiri wake wakati aloporeja na kupata mlango wake ukiwa wazi.

“Hii nyumba leo imenyamaza hivi kwani watu walienda wapi? Unemuona mke wangu?” jamaa alisikika akimuuliza jirani.

Habari Nyingine: Gavana Joho alitumia KSh 30M kuenda kumuona Baba, adai Kiamani Ngunjiri

Inasemekana alipoingia chumbani aliachwa mdomo za wazi alipopata nguo za mke haziko.

“Mimi nilifikiri mlikuwa pamoja! Vile uliondoka, mkeo alikufuata nyuma akiwa na jamaa anayeishi nyumba ile,” jirani alimueleza.

‘Caretaker’ alimueleza kwamba yeye alikuwa kwa shughuli zake tofauti.

“Basi mpigie simu yule jamaa aliyekuwa naye muulize,” jirani alimueleza.

Jamaa alijaribu kumtafuta mkewe kwa simu akamkosa na alipochungulia nyumba ya barobaro aliyetoweka na mkewe alipigw ana butwaa kuona iliachwa wazi bila chochote ndani.

Habari Nyingine: Safaricom: Mfumo wa M-Pesa kukarabatiwa tena

Penyenye zinasema ‘caretaker’ alianza kutokwa na kijasho jembamba. Wapangaji kwenye ploti walianza kupata habari kuhusu kilichompata msimamizi wa ploti yao.

“Mkeo nilimuona na begi kubwa akienda. Jamaa anayeishi kwenye chumba kile alikuwa amembebea begi yake ndogo ya mkononi,” mpangaji mmoja alisikika akisema.

“Wewe tulikupasha habari kuhusu uhusiano wa mkeo na huyo jamaa ukapinga. Mkeo ameenda,” sauti nyingine ya mpangaji ilisikika.

‘Caretaker’ alishindwa aanzie wapi.

“Tafuta mke mwingine uoe. Huyo ameenda,” alielezwa.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.