Mtangazaji Nancy Onyancha apata kazi Switch TV baada ya kufutwa K24

– Nancy Onyancha pamoja na mumewe Joab Mwaura walikuwa miongoni mwa wanahabari 100 waliofutwa kazi na K24 TV

– Wiki moja baadaye, Nancy ambaye ni mtangazaji wa lugha ya Kiswahili, amepata kazi tena katika runinga ya Switch TV

– Nancy na Mwaura wanasemekana kuzindua shirika lao la utangazaji maarufu kama ‘Sauti Tajika’

Mtangazaji Nancy Onyancha amepata kazi katika runinga ya Switch TV, majuma mawili tu baada ya kufutwa kazi kutoka runinga ya K24 inayomilikiwa na shirika la Media Max.

Nancy alitangaza habari hiyo njema kupitia mitandao ya kijamii ambapo alimshukuru Mungu kwa kumfungulia mlango mwingine.

Habari Nyingine: Wakazi wenye hamaki wateketeza kituo cha polisi kukashifu mauaji ya mfanyabiashara

Kama ilivyoripotiwa awali na TUKO.co.ke, Nancy na mumewe Joab Mwaura walikuwa miongoni mwa watangazaji 100 waliofutwa kazi na shirika la K24.

Shiriki hilo lilidai kuathirika pakubwa kiuchumi na janga la ugonjwa wa corona na ndio ilikuwa sababu ya kuwafuta kazi baadhi ya wafanyakazi.

Habari Nyingine: Murang’a: Msichana wa miaka 9 ni miongoni mwa wajawazito

Tayari mashabiki wake akiwemo mumewe Nancy wamemtumia jumbe za pongezi na kumtakia heri njema katika kazi yake mpya.

Nancy na Mwaura wanasemekana kuzindua shirika lao la utangazaji maarufu kama ‘Sauti Tajika’ siku chake baada ya K24 kuwapiga kalamu.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Tazama habari zaidi kutoka TUKO.co.ke

Subscribe to watch new videos