Nairobi: Polisi Wanafuatilia Mauaji ya Bawabu Moi Avenue ▷ Kenya News

– Ripoti zinaonyesha kuwa watu wanaoshukiwa kuwa majambazi walivamia bohari hilo Ijumaa, Aprili 30 alasiri

– Mmiliki mwenye bohari hiyo ambaye ana leseni ya bastola alionekana akiwafyatulia risasi majangili hao ila alikosa na risasi hiyo ikampata mlinzi huyo kichwani, na kumuua papo hapo

-Wakati wa tukio hilo, raia mwingine ambaye alikuwa akipita alipigwa risasi kimakosa na baadaye alikimbizwa hospitalini

Polisi jijini Nairobi wanachunguza kisa ambapo mtu asiyejulikana alimpiga risasi bawabu aliyekuwa akilinda bohari moja Moi Avenue.

Habari Nyingine: Raila Odinga Akutana na Wazee wa Jamii ya Agikuyu, Wakubaliana Kumaliza Uhasama

Ripoti zinaonyesha kuwa watu wanaoshukiwa kuwa majambazi walivamia bohari hilo Ijumaa, Aprili 30 alasiri.

Mmiliki mwenye bohari hiyo ambaye ana leseni ya bastola alionekana akiwafyatulia risasi majangili hao ila alikosa na risasi hiyo ikampata mlinzi huyo kichwani, na kumuua papo hapo.

Umati wa watu ulikusanyika eneo la tukio huku kila mmoja akitaka kujua kilichokuwa kimetokea

Habari Nyingine: Mweka Hazina wa KNUT John Matiang’i Astaafu Mapema Kushughulia Familia Yake

Mwili wake baadaye ulipelekwa katika makafani ya City kusubiri upasuaji.

Wakati wa tukio hilo, raia mwingine ambaye alikuwa akipita alipigwa risasi kimakosa na baadaye alikimbizwa hospitalini.

Kulingana na afisa wa polisi ambaye hakutaka kutajwa alisema kisa hicho kinachunguzwa.

Alisema mshukiwa tayari amendakisha taarifa kwa maafisa wa polisi.

Habari Nyingine: Kitui: Utani wa Jamaa Katika Karamu Wamsababishia Mashaka

Kwingineko watu wawili wanaodaiwa kuwa majambazi walipigwa risasi na kuuawa na maafisa wa polisi waliokuwa wakishika doria katika eneo la Stage 56 la Kawangware Jumatano, Aprili 28.

Kulingana na ripoti ya polisi, washukiwa hao wawili walikuwa miongoni mwa genge la majangili watatu ambao walimshambulia na kumpora mtu asiyejulikana wakiwa wamejihami kwa bastola.

Ripoti hiyo ilisema maafisa wa polisi waliokuwa wakishika doria waliwaamuru wajisalimishe, lakini badala yake walianza kuwafyatulia risasi.

Habari Nyingine: Mchekeshaji Jemutai Asema Amelemewa na Maisha, Aomba Wakenya Wamsaidie

Washukiwa wawili waliuawa naye wa tatu alitoroka akitumia pikipiki iliyokuwa na nambari feki ya usajili.

Bastola moja na risasi zilipatikana na kukabidhiwa wataalam wa DCI kukagua silaha hiyo.

Miili ya wawili hao ilipelekwa katika makafani ya City.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.

Subscribe to watch new videos

Source: Tuko Newspaper